دٷيسەنبٸدە ەۋروپانىڭ تاعى بٸرنەشە ەلٸ AstraZeneca ۆاكتسيناسىن قولدانۋدى ۋاقىتشا توقتاتتى. ىقتيمال اسقىنۋلارعا بايلانىستى بۇل پرەپاراتپەن ەزٸرگە حالىقتى ۆاكتسينالاماۋ شەشٸمٸن قابىلداعان مەملەكەتتەردٸڭ تٸزٸمٸن فرانتسييا, گەرمانييا جەنە يتالييا تولىقتىردى, دەپ حابارلايدى "ۇلت اقپارات" بۇۇ جاڭالىقتارىنا سٸلتەمە جاساپ.
ددسۇ باسشىسى دوكتور تەدروس گەبرەيەسۋس اتاپ ٶتكەندەي, ونىڭ ۇيىمى جاعدايدى مۇقييات قاداعالاپ وتىر جەنە تەرگەۋ جٷرگٸزٸلۋدە.
ەستەرٸڭٸزگە سالا كەتەيٸك, AstraZeneca ۆاكتسيناسىن العان ەۋروپالىقتار اراسىندا ازداعان ترومبوز جاعدايلارى ورىن العانى انىقتالدى. مەسەلە ەۋروپادا ٶندٸرٸلگەن وسى پرەپاراتتىڭ ەكٸ پارتيياسى جٶنٸندە بولىپ وتىر. وسىدان كەيٸن ەۋروپانىڭ بٸرقاتار ەلٸنٸڭ بيلٸگٸ تەرگەۋ نەتيجەلەرٸ بەلگٸلٸ بولعانعا دەيٸن وسى ۆاكتسينانى قولدانۋدى توقتاتا تۇرۋ تۋرالى شەشٸم قابىلدادى.
ددسۇ ساراپشىلارى ترومبوز جاعدايلارى مەن AstraZeneca ۆاكتسيناسى اراسىنداعى بايلانىس ەلٸ راستالماعانىن ايتادى. سونىمەن قاتار, ساراپشىلاردىڭ ايتۋىنشا, ەلەمدە جٷزدەگەن ميلليون ۆاكتسينا جاسالدى جەنە ەزٸرگە ودان بٸردە-بٸر ٶلٸم رەسمي تٷردە تٸركەلگەن جوق.
كٶپتەگەن ەلدەردە ۆاكتسينالاۋ ەلٸ باستالمادى
«كٷن سايىن ماعان ەلەمنٸڭ ساياسي جەتەكشٸلەرٸ قوڭىراۋ سوعادى. ٶز ەلدەرٸ COVAX اياسىندا ۆاكتسينالاردى قاشان الاتىنىن سۇرايدى», – دەيدٸ ددسۇ باسشىسى.
«ولاردىڭ كەيبٸرٸ الاڭداۋلى, مەن ونىڭ سەبەبٸن تٷسٸنەمٸن. ولار ەلەمدەگٸ ەڭ باي ەلدەردٸڭ ۆاكتسينالاردى كٶپ مٶلشەردە ساتىپ الىپ جاتقانىن كٶرٸپ وتىر. مۇنداي كٶلەمدەگٸ ۆاكتسينامەن كەدەي ەلدەردٸڭ تۇرعىندارىن بٸرنەشە رەت ۆاكتسينالاۋعا بولادى. الايدا, بۇل ەلدەردە بٸردە-بٸرەۋٸ جوق», – دەپ قوستى ول.
ددسۇ باسشىسى سونىمەن بٸرگە COVID-19-بەن كٷرەستە ىنتىماقتاستىق قورى قۇرىلعاننان بەرٸ بٸر جىل ٶتكەنٸن ەسكە سالدى. وسى كەزەڭدە قور 242 ميلليارد دوللار جينادى. ددسۇ تاريحىندا العاش رەت قايىرىمدىلىق جەكە تۇلعالاردان دا كەلٸپ تٷستٸ. ونداعان ەلدەرگە جەكە قورعانىس قۇرالدارى, كوروناۆيرۋسقا تەستٸلەر مەن مەديتسينالىق جابدىقتار جەتكٸزٸلدٸ.
ەسكە سالايىق, بۇعان دەيٸن وكسفورد ۋنيۆەرسيتەتٸ مەن AstraZeneca كومپانيياسى ٶندٸرگەن ۆاكتسينانى قولدانۋدى يرلاندييا, بولگارييا, دانييا, يسلاندييا, نورۆەگييا جەنە تايلاند ۋاقىتشا توقتاتقان بولاتىن.
ال دٷنيەجٷزٸلٸك دەنساۋلىق ساقتاۋ ۇيىمى AstraZeneca ۆاكتسيناسى مەن قان ۇيىعىشتىق اراسىندا ەشقانداي دەلەل جوق ەكەنٸن مەلٸمدەپ, پاندەمييامەن كٷرەستە ۆاكتسينانى قولدانۋدى جالعاستىرۋعا شاقىردى.
