Dúniejúzilik densaýlyq saqtaý uiymynyń (DDSU) málimetteri boiynsha álemde (Taiaý Shyǵys memleketterinen basqa) koronavirýstyń taralý qarqyny báseńdegeni baiqalǵan.
Sondai-aq, álemde COVID-19 jańa jaǵdailarynyń sany 16% - 2,7 millionǵa deiin tómendegen. Bul týraly QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanalynda habarlandy.
Ǵalymdardyń pikirinshe, qańtar aiynyń basynda virýs juqtyrýshylar sany 5 millionnan asqannan keiin, besinshi apta qatarynan indet qarqynynyń tómendegeni baiqalǵan. Sonymen qatar koronavirýstan qaitys bolǵandar sany da azaiýda. ⠀
Amerikandyq The New York Times basylymy álemde jáne AQSh-ta indet deńgeiiniń tómendeýiniń basty sebebi qazirgi kezde adamdardyń edáýir bóligi virýsqa qarsy immýnitetke ie bolǵan dep esepteidi.⠀
Atalǵan jaǵdaiǵa qaramastan, densaýlyq saqtaý salasynyń qyzmetkerleri álem halqyn qyraǵy bolýǵa shaqyrady – eshkim COVID-19-dyń turaqty tómendeýine kepildik bere almaidy. Sonymen qatar, koronavirýspen aýyrǵan keibir adamdarǵa indettiń jańa nusqalary biriniń qaita juǵý yqtimaldylyǵy bar.
