Ánshi ári vokal boiynsha ustaz Baqyt Turman shoý-biznestegi kei ánshilerdiń tanymaldyǵyna qatysty pikir bildirip, jastardyń olardyń kontsertterine jappai barýyna tańdanysyn jetkizdi, dep habarlaidy ult.kz.
Óner iesi áleýmettik jelidegi jazbasynda kórermenderdiń alkogol men esirtki qoldanatyn ártisterdiń kontsertterine de qyzyǵýshylyq tanytatynyn jazdy.
«Halyqqa maskúnemder men nashaqorlardyń kontsertterine baryp, olardy tyńdaǵan unaidy. Ne isteisiń, halyqtyń aitatyny osy», – dep jazdy Baqyt Turman.
Ánshi jýyrda ótken bir kontsertti mysalǵa alyp, oǵan jastardyń kóp jinalǵanyn aitty.
«Keshe ǵana bir kontsert ótip, búkil jastardy jinady. Daýysy da, bii de, talanty da joq», – dedi ol.
Baqyt Turman óz pikirin 16 jyldyq kásibi tájiribesimen bailanystyryp, osy ýaqyt ishinde kóptegen talantty óner ielerimen jumys istegenin atap ótti.
«Maǵan senińizder, men 16 jyldyq tájiribesi bar vokal ustazy retinde aityp otyrmyn. Osy ýaqyt ishinde qoi baqqan joqpyn, sahnada bolýy tiis talai talantpen jumys istedim. Biraq ókinishke qarai... Men solardyń atynan aityp otyrmyn», – dep jazdy ánshi.
Aita keteiik, ánshi bul pikirdi belgili prodiýserdiń shoý-biznestegi esirtki týraly jazbasyna qarata jazǵan.
Kúni keshe Almaty men Astanada ánshiler Sadraddin jáne Qairat Nurtastyń kontsertteri ótkeni belgili.
