QR Bas prokýrorynyń aǵa kómekshisi Azamat Sarǵazin sailaý zańnamasyn buzý týraly áleýmettik jelilerde taraǵan materialdarǵa qatysty túsinik berdi, dep habarlaidy QazAqparat.
«Búgin tańnan osy ýaqytqa deiin prokýratýra organdaryna daýys berý sharttaryn buzý týraly shaǵymdar men aryzdar túsken joq. Degenmen jekelegen adamdar áleýmettik jelilerde jasandy rezonans týdyrý maqsatynda «búgin oryn alǵan dep» sailaý zańnamasyn buzýshylyqtary týraly jalǵan materialdardy taratýdy. Biz osy materialdardy tekserdik. Olardyń qazirgi sailaý naýqanyna qatysy joq», - dedi Azamat Sarǵazin OKQ-da ótken baspasóz másihatynda.
Onyń aitýynsha, WhatsApp messendjeri arqyly sailaý ýchaskeleriniń birinde sailaý komissiiasynyń músheleri aldyn ala qol qoiǵan biýlletender tabylǵan beinejazba taralǵan. Bul odan buryn ótkizilgen sailaý kezinde Nur-Sultan qalasynda sailaý ýchaskeleriniń birinde júrgizilgen eski jazba ekeni anyqtaldy.
Sondai-aq Facebook jelisin paidalanýshy «Qazaqstanda burmalaý bastaldy» degen pikirmen jáshikke biýlletenderdi salýdyń beinejazbasyn ornalastyrǵan. Alaida materialdardy zerdeleý nátijesi bul video Resei eldi mekenderi biriniń sailaý ýchaskesinde jazylǵanyn kórsetti.
«BAQ-ty nemese telekommýnikatsiia jelilerin paidalana otyryp, qoǵamdyq tártipti buzý qaýpin týdyratyn jalǵan aqparat taratqany úshin Qylmystyq kodekstiń 274-baby boiynsha qylmystyq jaýaptylyq kózdelgenin eske salǵym keledi. Sailaý protsesi zańdylyǵyn saqtalýyn qadaǵalaý jalaǵasyp keledi», - dedi Azamat Sarǵazin.
