Tilimizdi damytýǵa bos sózben emes, naqty ispen úles qosý kerek. Mundai pikirdi «Sóztúzer» sózdiginiń tusaýkeserine orai arnaiy sóz arnaǵan QR Prezidenti Ákimshiligi basshysynyń birinshi orynbasary Dáýren Abaev Facebook-te bildirdi, dep habarlaidy "Ult aqparat".
«Ardaqty aǵaiyn! Búgin biz myna «Sóztúzer» atty qate qoldanystar sózdiginiń tusaýkeserin ótkizdik. Bul – buqaralyq aqparat quraldaryndaǵy memlekettik tildiń qoldanysyn retteýge jáne ana tildiń tazalyǵyn saqtaýǵa arnalǵan joba. Sońǵy kezde qazaqsha baspasóz ben tele-radio arnalar tilinde ártúrli qatelerdiń beleń alǵany týraly jii aitylyp júr. Ýaqyt ótken saiyn mundai qateler kúndelikti qoldanysqa enip ketýi múmkin. Odan ana tilimizdiń tabiǵaty buzylyp, saýattylyq deńgeiiniń tómendeýi yqtimal. Sondyqtan biz osy máseleni sheshý úshin bedeldi ǵalymdar men til mamandaryn jinap, osy sózdikti jasap shyǵardyq», - dedi Dáýren Abaev sózdiktiń tusaýkeserine orai halyqqa arnaǵan video úndeýinde.
Onyń atap ótýinshe, sózdikte jii kezdesetin eki myńnan astam qate qoldanys jinaqtalǵan. Olar jan-jaqty túsindirilip, durys nusqasy kórsetilgen. Negizinen stildik jáne emlelik qateler, kalka ataýlar, jasandy sóz tirkesteri, iaǵni júieli qateler iriktelgen.
«Árine, budan keiin til tazalyǵynyń máselesi birden sheshilip ketedi deýge bolmas. Alaida biz osy baǵytta naqty qadam jasadyq. Ol úshin til mamandary birneshe ai boiy eńbek etti. Qazaq tiline qajetti tyń dúnie ázirledi. Óz atymnan jumys tobyna alǵys aitamyn! Sózdikti buqaralyq aqparat quraldaryna, ýniversitetterge, memlekettik organdarǵa taratamyz. Saitqa salýdy da kózdep otyrmyz. Sózdik jýrnalisterdiń, tilshilerdiń, jalpy jazarman qaýymnyń kúndelikti qajetine jaraidy dep úmittenemin. Sebebi kópshilik tiliniń qalyptasýyna aqparat quraldarynyń áseri zor. Árine, bul – bir-eki aptanyń nemese bir-eki aidyń ishinde jasalǵan jumys emes. Muny byltyr mamyr aiynan bastap qolǵa aldyq. Iaǵni Prezident Ákimshiligi basshysynyń orynbasary retinde tilge qatysty alǵashqy jobalardyń biri osy bolatyn. Ony keshegi – ult ustazy – Ahmet Baitursynulynyń týǵan kúnine orai ózderińizge tanystyrý buiyrypty», - dedi ol.
QR Prezidenti Ákimshiligi basshysynyń birinshi orynbasary memlekettik tildi damytýǵa arnalǵan budan da basqa birqatar iri jobalar bar ekendigin, olardy ýaqyty kelgende osylai tanystyryp otyratyndyqtaryn aitady.
«Aǵaiyn, qazaq tiliniń máselesi árdaiym nazarymyzda. Onyń órken jaiýyna bárimiz de múddelimiz. Biraq tilimizdi damytýǵa bos sózben emes, naqty ispen úles qosý kerek. Bul – áleýmettik jelide emotsiiamen post jazý emes, turaqty ári tynymsyz eńbekti talap etetin baǵyt. Nátijeli ári birden bir durys jol da – osy. Prezidentimiz keshegi Joldaýynda aitqandai, bolashaqta Otanymyzda turǵysy keletin ár azamat qazaq tilin úirenýge den qoiýǵa tiis. Osy oraida, qoǵamdaǵy syilastyq, ózara qurmet, adami qarym-qatynasqa syzat túspeýi kerek. Men Almaty oblysyndaǵy Úńgirtas dep atalatyn tabiǵaty tamasha, shaǵyn aýylda dúniege keldim. Ájemiz ben atamyzdyń ósietin tyńdap óstik. Sondyqtan da týǵan tildiń taǵdyry meni erekshe tolǵandyrýy zańdylyq. Osy rette, qazaq tili úshin kúndelikti qyzmet etip júrgen ziialy azamattarmen, tildi úiretip júrgen naǵyz patriottarmen jumys isteýdi, júieli jobalardy júzege asyrýdy ózime mindet sanaimyn», - dedi Dáýren Abaev.
Aita keteiik, búgin elordada QR Prezidenti Qasym-Jomart Toqaevtyń alǵysózimen buqaralyq aqparat quraldary mamandaryna arnalǵan «Sóztúzer» sózdiginiń tusaýkeser rásimi ótti.
