تٸلٸمٸزدٸ دامىتۋعا بوس سٶزبەن ەمەس, ناقتى ٸسپەن ٷلەس قوسۋ كەرەك. مۇنداي پٸكٸردٸ «سٶزتٷزەر» سٶزدٸگٸنٸڭ تۇساۋكەسەرٸنە وراي ارنايى سٶز ارناعان قر پرەزيدەنتٸ ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆ Facebook-تە بٸلدٸردٸ, دەپ حابارلايدى "ۇلت اقپارات".
«ارداقتى اعايىن! بٷگٸن بٸز مىنا «سٶزتٷزەر» اتتى قاتە قولدانىستار سٶزدٸگٸنٸڭ تۇساۋكەسەرٸن ٶتكٸزدٸك. بۇل – بۇقارالىق اقپارات قۇرالدارىنداعى مەملەكەتتٸك تٸلدٸڭ قولدانىسىن رەتتەۋگە جەنە انا تٸلدٸڭ تازالىعىن ساقتاۋعا ارنالعان جوبا. سوڭعى كەزدە قازاقشا باسپاسٶز بەن تەلە-راديو ارنالار تٸلٸندە ەرتٷرلٸ قاتەلەردٸڭ بەلەڭ العانى تۋرالى جيٸ ايتىلىپ جٷر. ۋاقىت ٶتكەن سايىن مۇنداي قاتەلەر كٷندەلٸكتٸ قولدانىسقا ەنٸپ كەتۋٸ مٷمكٸن. ودان انا تٸلٸمٸزدٸڭ تابيعاتى بۇزىلىپ, ساۋاتتىلىق دەڭگەيٸنٸڭ تٶمەندەۋٸ ىقتيمال. سوندىقتان بٸز وسى مەسەلەنٸ شەشۋ ٷشٸن بەدەلدٸ عالىمدار مەن تٸل ماماندارىن جيناپ, وسى سٶزدٸكتٸ جاساپ شىعاردىق», - دەدٸ دەۋرەن اباەۆ سٶزدٸكتٸڭ تۇساۋكەسەرٸنە وراي حالىققا ارناعان ۆيدەو ٷندەۋٸندە.
ونىڭ اتاپ ٶتۋٸنشە, سٶزدٸكتە جيٸ كەزدەسەتٸن ەكٸ مىڭنان استام قاتە قولدانىس جيناقتالعان. ولار جان-جاقتى تٷسٸندٸرٸلٸپ, دۇرىس نۇسقاسى كٶرسەتٸلگەن. نەگٸزٸنەن ستيلدٸك جەنە ەملەلٸك قاتەلەر, كالكا اتاۋلار, جاساندى سٶز تٸركەستەرٸ, ياعني جٷيەلٸ قاتەلەر ٸرٸكتەلگەن.
«ەرينە, بۇدان كەيٸن تٸل تازالىعىنىڭ مەسەلەسٸ بٸردەن شەشٸلٸپ كەتەدٸ دەۋگە بولماس. الايدا بٸز وسى باعىتتا ناقتى قادام جاسادىق. ول ٷشٸن تٸل ماماندارى بٸرنەشە اي بويى ەڭبەك ەتتٸ. قازاق تٸلٸنە قاجەتتٸ تىڭ دٷنيە ەزٸرلەدٸ. ٶز اتىمنان جۇمىس توبىنا العىس ايتامىن! سٶزدٸكتٸ بۇقارالىق اقپارات قۇرالدارىنا, ۋنيۆەرسيتەتتەرگە, مەملەكەتتٸك ورگاندارعا تاراتامىز. سايتقا سالۋدى دا كٶزدەپ وتىرمىز. سٶزدٸك جۋرناليستەردٸڭ, تٸلشٸلەردٸڭ, جالپى جازارمان قاۋىمنىڭ كٷندەلٸكتٸ قاجەتٸنە جارايدى دەپ ٷمٸتتەنەمٸن. سەبەبٸ كٶپشٸلٸك تٸلٸنٸڭ قالىپتاسۋىنا اقپارات قۇرالدارىنىڭ ەسەرٸ زور. ەرينە, بۇل – بٸر-ەكٸ اپتانىڭ نەمەسە بٸر-ەكٸ ايدىڭ ٸشٸندە جاسالعان جۇمىس ەمەس. مۇنى بىلتىر مامىر ايىنان باستاپ قولعا الدىق. ياعني پرەزيدەنت ەكٸمشٸلٸگٸ باسشىسىنىڭ ورىنباسارى رەتٸندە تٸلگە قاتىستى العاشقى جوبالاردىڭ بٸرٸ وسى بولاتىن. ونى كەشەگٸ – ۇلت ۇستازى – احمەت بايتۇرسىنۇلىنىڭ تۋعان كٷنٸنە وراي ٶزدەرٸڭٸزگە تانىستىرۋ بۇيىرىپتى», - دەدٸ ول.
قر پرەزيدەنتٸ ەكٸمشٸلٸگٸ باسشىسىنىڭ بٸرٸنشٸ ورىنباسارى مەملەكەتتٸك تٸلدٸ دامىتۋعا ارنالعان بۇدان دا باسقا بٸرقاتار ٸرٸ جوبالار بار ەكەندٸگٸن, ولاردى ۋاقىتى كەلگەندە وسىلاي تانىستىرىپ وتىراتىندىقتارىن ايتادى.
«اعايىن, قازاق تٸلٸنٸڭ مەسەلەسٸ ەردايىم نازارىمىزدا. ونىڭ ٶركەن جايۋىنا بەرٸمٸز دە مٷددەلٸمٸز. بٸراق تٸلٸمٸزدٸ دامىتۋعا بوس سٶزبەن ەمەس, ناقتى ٸسپەن ٷلەس قوسۋ كەرەك. بۇل – ەلەۋمەتتٸك جەلٸدە ەموتسييامەن پوست جازۋ ەمەس, تۇراقتى ەرٸ تىنىمسىز ەڭبەكتٸ تالاپ ەتەتٸن باعىت. نەتيجەلٸ ەرٸ بٸردەن بٸر دۇرىس جول دا – وسى. پرەزيدەنتٸمٸز كەشەگٸ جولداۋىندا ايتقانداي, بولاشاقتا وتانىمىزدا تۇرعىسى كەلەتٸن ەر ازامات قازاق تٸلٸن ٷيرەنۋگە دەن قويۋعا تيٸس. وسى ورايدا, قوعامداعى سىيلاستىق, ٶزارا قۇرمەت, ادامي قارىم-قاتىناسقا سىزات تٷسپەۋٸ كەرەك. مەن الماتى وبلىسىنداعى ٷڭگٸرتاس دەپ اتالاتىن تابيعاتى تاماشا, شاعىن اۋىلدا دٷنيەگە كەلدٸم. ەجەمٸز بەن اتامىزدىڭ ٶسيەتٸن تىڭداپ ٶستٸك. سوندىقتان دا تۋعان تٸلدٸڭ تاعدىرى مەنٸ ەرەكشە تولعاندىرۋى زاڭدىلىق. وسى رەتتە, قازاق تٸلٸ ٷشٸن كٷندەلٸكتٸ قىزمەت ەتٸپ جٷرگەن زييالى ازاماتتارمەن, تٸلدٸ ٷيرەتٸپ جٷرگەن ناعىز پاتريوتتارمەن جۇمىس ٸستەۋدٸ, جٷيەلٸ جوبالاردى جٷزەگە اسىرۋدى ٶزٸمە مٸندەت سانايمىن», - دەدٸ دەۋرەن اباەۆ.
ايتا كەتەيٸك, بٷگٸن ەلوردادا قر پرەزيدەنتٸ قاسىم-جومارت توقاەۆتىڭ العىسٶزٸمەن بۇقارالىق اقپارات قۇرالدارى ماماندارىنا ارنالعان «سٶزتٷزەر» سٶزدٸگٸنٸڭ تۇساۋكەسەر رەسٸمٸ ٶتتٸ.
