Jarystardaǵy jeńis úshin aqshalai yntalandyrý tólemi - zańnamamen jáne arnaýly reglamentpen retteletin standartty protsedýra. Al Erkebulan Qanafindi aqshalai yntalandyrý osy erejege qarama-qaishy keledi. Bul týraly Mádeniet jáne sport ministri Dáýren Abaev málim etti, dep habarlaidy QazAqparat.
«Ol - dziýdodan ulttyq sýrdlimpiada quramasynyń múshesi emes. Ol quramamen oqý-jattyǵý jiynynan da, jan-jaqty meditsinalyq tekserýden de, Ulttyq antidoping ortalyǵyndaǵy doping baqylaýynan da ótken joq», - dep jazdy ministr Facebook paraqshasynda.
Onyń atap ótýinshe, Ulttyq sýrdlimpiada komiteti sportshyny jarysqa barlyq erejeden ainalyp ótip jáne ókiletti organnyń kelisiminsiz aparǵan.
Buǵan deiin Astana qalasynyń mamandandyrylǵan aýdanaralyq ákimshilik soty QR Mádeniet jáne sport ministrligi men 2022 jylǵy Sýrdlimpiada chempiony Erkebulan Qanafin arasyndaǵy daýǵa qatysty sheshim shyǵarǵanyn habarlaǵan edik. Ol sheshimge sáikes, ministrlik 2020 jylǵy 27 naýryzdaǵy Qazaqstan Respýblikasy Úkimetiniń qaýlysymen bekitilgen mólsherdegi aqshalai yntalandyrý tólemin Erkebulan Qanafinge tóleýge mindetti.
