جارىستارداعى جەڭٸس ٷشٸن اقشالاي ىنتالاندىرۋ تٶلەمٸ - زاڭنامامەن جەنە ارناۋلى رەگلامەنتپەن رەتتەلەتٸن ستاندارتتى پروتسەدۋرا. ال ەركەبۇلان قانافيندٸ اقشالاي ىنتالاندىرۋ وسى ەرەجەگە قاراما-قايشى كەلەدٸ. بۇل تۋرالى مەدەنيەت جەنە سپورت مينيسترٸ دەۋرەن اباەۆ مەلٸم ەتتٸ, دەپ حابارلايدى قازاقپارات.
«ول - دزيۋدودان ۇلتتىق سۋردليمپيادا قۇراماسىنىڭ مٷشەسٸ ەمەس. ول قۇرامامەن وقۋ-جاتتىعۋ جيىنىنان دا, جان-جاقتى مەديتسينالىق تەكسەرۋدەن دە, ۇلتتىق انتيدوپينگ ورتالىعىنداعى دوپينگ باقىلاۋىنان دا ٶتكەن جوق», - دەپ جازدى مينيستر Facebook پاراقشاسىندا.
ونىڭ اتاپ ٶتۋٸنشە, ۇلتتىق سۋردليمپيادا كوميتەتٸ سپورتشىنى جارىسقا بارلىق ەرەجەدەن اينالىپ ٶتٸپ جەنە ٶكٸلەتتٸ ورگاننىڭ كەلٸسٸمٸنسٸز اپارعان.
بۇعان دەيٸن استانا قالاسىنىڭ مامانداندىرىلعان اۋدانارالىق ەكٸمشٸلٸك سوتى قر مەدەنيەت جەنە سپورت مينيسترلٸگٸ مەن 2022 جىلعى سۋردليمپيادا چەمپيونى ەركەبۇلان قانافين اراسىنداعى داۋعا قاتىستى شەشٸم شىعارعانىن حابارلاعان ەدٸك. ول شەشٸمگە سەيكەس, مينيسترلٸك 2020 جىلعى 27 ناۋرىزداعى قازاقستان رەسپۋبليكاسى ٷكٸمەتٸنٸڭ قاۋلىسىمەن بەكٸتٸلگەن مٶلشەردەگٸ اقشالاي ىنتالاندىرۋ تٶلەمٸن ەركەبۇلان قانافينگە تٶلەۋگە مٸندەتتٸ.
