QR Aqparat jáne qoǵamdyq damý ministri Dáýren Abaev Soltústik Qazaqstan oblysynda tabylǵan kóne mazar orny týraly pikir bildirdi, dep habarlaidy "Ult aqparat".
«Memleket basshysy Altyn Ordanyń 750 jyldyǵyn toilaý týraly tapsyrma bergen edi. Keshe ǵana Soltústik Qazaqstanda zertteý júrgizip jatqan arheologtardan qýanyshty habar jetti. Olar Altyn Orda dáýirine jatatyn kóne nysan tapty. Ázirge mazar nemese kesene degen boljam aitylýda. Bul orynda qalashyq boldy dep aitýǵa negiz bar. Óitkeni, aryq júiesiniń, sýlandyrý joldarynyń qaldyǵy tabylǵan. Bul Altyn Orda mereitoiyn toilaý qarsańyndaǵy jaǵymdy jańalyq», - dedi Dáýren Abaev «Habar» arnasyndaǵy «Ashyq dialog» baǵdarlamasynda.
Aita keteiik, 2 qazanda arheologtar Soltústik Qazaqstan oblysy Ýálihanov aýdanynda tarihi mańyzy bar kóne mazarlardyń ornyn tapty.
Bul jerde qyrkúiek aiynan beri M.Qozybaev atyndaǵy SQMÝ men Pavlodar memlekettik pedagogikalyq ýniversitetiniń tarihshylary qazba jumystaryn júrgizgen.
.jpeg)