«Búgin «Qazaq gazetteri» men «Jas órken» JShS-na jáne Jazýshylar Odaǵyna qarasty gazet-jýrnaldardyń bas redaktorlarymen kezdestim. Jiynymyzǵa «Qazaq ádebieti», «Ana tili», «Ulan», «Ekonomika», «Drýjnye rebiata», «Ýiǵýr avazi» gazetteri men «Baldyrǵan», «Aq jelken», «Úrker», «Aqiqat», «Mysl» jýrnaldarynyń basshylary qatysty», — dep jazdy QR Aqparat jáne kommýnikatsiialar ministri Dáýren Abaev Feisbýktaǵy paraqshasynda.
Ministr oqyrman suranysyn arttyrý úshin redaktsiialyq saiasatty búgingi kúnge sai jańǵyrtý máselesi talqylanǵanyn aitty.
«Árine, qazirgi qym-qýyt aqparattar zamanynda dástúrli medianyń toqtaýsyz damyǵan internet-resýrstarmen básekelese alatyny áldeqashan dáleldengen. Oǵan mysal jetkilikti. Biraq, ol úshin oqyrmannyń udaiy jańaryp otyratyn qajettiligin dóp basatyn saýatty da utymdy strategiia qajet.
Kezdesýde balalar men jasóspirimderge arnalǵan jýrnaldardyń bolashaǵy máselesine de jekelei toqtaldyq. Ókinishke qarai, búgingi tańda zamanaýi dúnielerge sýsaǵan óskeleń urpaqtyń sheteldik media-ónimderge qyzyǵýshylyǵy joǵary ekeni jasyryn emes.
Sondyqtan, otandyq balalar basylymdarynyń, aǵartý baǵdarlamalarynyń t.b. sapasyn kóterý biz úshin kókeikesti másele bolyp otyr. Osynaý san salaly jumysty sandaǵan jyldyq tarihy, qalyptasqan dástúri bar «Ulan», «Baldyrǵan», «Aq jelken», «Drýjnye rebiata» basylymdarynan bastaýǵa tiispiz», — dedi Dáýren Abaev.
-
Pikir almasýdyń sońynda basylymdar internettegi jáne áleýmettik jelidegi jumysty kúsheitip, interaktivtilikti arttyrýy qajet degen pikirge toqtaldyq. Sonymen qatar, qoǵamdaǵy kókeikesti máselelerge basa nazar aýdaryp, tól ónimderdiń bet-beinesin zamanǵa sai jańartý jáne kadrlyq saiasaty jaqsartý qajet, — dedi ministr sózin qorytyndylai kele.
Sonymen qatar, Dáýren Abaev aqyn Muhtar Shahanovpen kezdeskenin aitty.
«Búgin aitýly aqyn, qoǵam qairatkeri jáne respýblikalyq «Jalyn» jýrnalynyń Bas redaktory Muhtar Shahanovpen júzdestim. Muhtar aǵamyzben áńgime barysynda otandyq jýrnalistikanyń búgingi aiaq alysyn, baspasózdiń bolashaǵyn, sonymen qatar, jas qalamgerlerge qoldaý kórsetý máselesin tilge tiek ettik» — dedi QR Aqparat jáne kommýnikatsiialar ministri Feisbýktegi paraqshasynda.
.jpeg)