«بٷگٸن «قازاق گازەتتەرٸ» مەن «جاس ٶركەن» جشس-نا جەنە جازۋشىلار وداعىنا قاراستى گازەت-جۋرنالداردىڭ باس رەداكتورلارىمەن كەزدەستٸم. جيىنىمىزعا «قازاق ەدەبيەتٸ», «انا تٸلٸ», «ۇلان», «ەكونوميكا», «درۋجنىە رەبياتا», «ۋيعۋر اۆازي» گازەتتەرٸ مەن «بالدىرعان», «اق جەلكەن», «ٷركەر», «اقيقات», «مىسل» جۋرنالدارىنىڭ باسشىلارى قاتىستى», — دەپ جازدى قر اقپارات جەنە كوممۋنيكاتسييالار مينيسترٸ دەۋرەن اباەۆ فەيسبۋكتاعى پاراقشاسىندا.
مينيستر وقىرمان سۇرانىسىن ارتتىرۋ ٷشٸن رەداكتسييالىق ساياساتتى بٷگٸنگٸ كٷنگە ساي جاڭعىرتۋ مەسەلەسٸ تالقىلانعانىن ايتتى.
«ەرينە, قازٸرگٸ قىم-قۋىت اقپاراتتار زامانىندا دەستٷرلٸ مەديانىڭ توقتاۋسىز دامىعان ينتەرنەت-رەسۋرستارمەن بەسەكەلەسە الاتىنى ەلدەقاشان دەلەلدەنگەن. وعان مىسال جەتكٸلٸكتٸ. بٸراق, ول ٷشٸن وقىرماننىڭ ۇدايى جاڭارىپ وتىراتىن قاجەتتٸلٸگٸن دٶپ باساتىن ساۋاتتى دا ۇتىمدى ستراتەگييا قاجەت.
كەزدەسۋدە بالالار مەن جاسٶسپٸرٸمدەرگە ارنالعان جۋرنالداردىڭ بولاشاعى مەسەلەسٸنە دە جەكەلەي توقتالدىق. ٶكٸنٸشكە قاراي, بٷگٸنگٸ تاڭدا زاماناۋي دٷنيەلەرگە سۋساعان ٶسكەلەڭ ۇرپاقتىڭ شەتەلدٸك مەديا-ٶنٸمدەرگە قىزىعۋشىلىعى جوعارى ەكەنٸ جاسىرىن ەمەس.
سوندىقتان, وتاندىق بالالار باسىلىمدارىنىڭ, اعارتۋ باعدارلامالارىنىڭ ت.ب. ساپاسىن كٶتەرۋ بٸز ٷشٸن كٶكەيكەستٸ مەسەلە بولىپ وتىر. وسىناۋ سان سالالى جۇمىستى سانداعان جىلدىق تاريحى, قالىپتاسقان دەستٷرٸ بار «ۇلان», «بالدىرعان», «اق جەلكەن», «درۋجنىە رەبياتا» باسىلىمدارىنان باستاۋعا تيٸسپٸز», — دەدٸ دەۋرەن اباەۆ.
-
پٸكٸر الماسۋدىڭ سوڭىندا باسىلىمدار ينتەرنەتتەگٸ جەنە ەلەۋمەتتٸك جەلٸدەگٸ جۇمىستى كٷشەيتٸپ, ينتەراكتيۆتٸلٸكتٸ ارتتىرۋى قاجەت دەگەن پٸكٸرگە توقتالدىق. سونىمەن قاتار, قوعامداعى كٶكەيكەستٸ مەسەلەلەرگە باسا نازار اۋدارىپ, تٶل ٶنٸمدەردٸڭ بەت-بەينەسٸن زامانعا ساي جاڭارتۋ جەنە كادرلىق ساياساتى جاقسارتۋ قاجەت, — دەدٸ مينيستر سٶزٸن قورىتىندىلاي كەلە.
سونىمەن قاتار, دەۋرەن اباەۆ اقىن مۇحتار شاحانوۆپەن كەزدەسكەنٸن ايتتى.
«بٷگٸن ايتۋلى اقىن, قوعام قايراتكەرٸ جەنە رەسپۋبليكالىق «جالىن» جۋرنالىنىڭ باس رەداكتورى مۇحتار شاحانوۆپەن جٷزدەستٸم. مۇحتار اعامىزبەن ەڭگٸمە بارىسىندا وتاندىق جۋرناليستيكانىڭ بٷگٸنگٸ اياق الىسىن, باسپاسٶزدٸڭ بولاشاعىن, سونىمەن قاتار, جاس قالامگەرلەرگە قولداۋ كٶرسەتۋ مەسەلەسٸن تٸلگە تيەك ەتتٸك» — دەدٸ قر اقپارات جەنە كوممۋنيكاتسييالار مينيسترٸ فەيسبۋكتەگٸ پاراقشاسىندا.
.jpeg)