«Qazaqstan» RTRK» AQ Basqarma tóraǵasy Erlan Qarin QR Aqparat jáne kommýnikatsiialar ministri Dáýren Abaevty «24 saǵat tabiǵat qushaǵynda» realiti-shoýyna qatysýǵa shaqyrdy. Usynys ulttyq telearnanyń jańa maýsymyndaǵy joba tusaýkeserinde aityldy, dep habarlaidy "Ult aqparat".
Teleradiokeshen basshysynyń shaqyrtýyn ministr iltipatpen qabyl aldy. Ol bul rette munyń ózi úshin jańa tájiribe bolatyndyǵyn, jobadaǵy túsirilimge ýaqyt bólý máselesin sheshý kerektigin basa aitty.
«24 saǵat tabiǵat qushaǵynda» realiti-shoýyna qatysýǵa shaqyrtý tústi. Árine, men daiynmyn. Meniń qolymnen keledi dep senemin. Bul men úshin jańa tájiribe bolmaq. Alaida barlyǵy ýaqytqa bailanysty. Men jobanyń qyrkúiek-qazan ailarynda júrgiziletin túsirilimderine tap bolǵandy qalaimyn. Eger oǵan múmkindik bolmasa, onda jeltoqsandaǵy túsirilimderdi kútýge týra keledi», - dedi D. Abaev.
«24 saǵat tabiǵat qushaǵynda» ekshn realiti-shoýy Qazaqstannyń sulý tabiǵatyn kórermenderge tanystyrady.Túsirilim elimizdiń 14 oblysynda bolǵandyqtan, soǵan sáikes sonsha baǵdarlama shyǵarylymy bolmaq.
Aita keteiik, «24 saǵat tabiǵat qushaǵynda» - «Qazaqstan» ulttyq telearnasynyń jańa maýsymdaǵy jobalardyń biri.
