- QR Aqparat jáne kommýnikatsiialar ministri Dáýren Abaev 16 jeltoqsan kúni áleýmettik jelilerdegi irkiliske qatysty túsinikteme berdi, dep habarlaidy "Ult aqparat".
«Joq, bul Muhtar Ábiliazovtiń suhbatymen bailanysty emes. Bul telekommýnikatsiialyq jelilerdegi tehnikalyq irkilis. Mundai jait oqtyn-oqtyn oryn alyp turady. Degenmen, meniń túsinýimshe, bul 16 jeltoqsanǵa dál kelýine bailanysty belgili bir deńgeide rezonans týdyrdy», - dedi ministr.
Esterińizge sala ketsek, 16 jeltoqsan kúni birqatar áleýmettik jeli, onyń ishinde Facebook, Instagram, YouTube video-hostingi, sonymen qatar Google izdeý júiesi jumysynda irkilister bolǵan edi. Osyǵan orai, Aqparat jáne kommýnikatsiialar ministrligi áleýmettik jeliler men izdeý júiesindegi mundai irkilistiń tehnikalyq sebepterge bailanysty oryn alǵandyǵyn habarlaǵan-dy.
.jpeg)