Foto: videodan skrinshot
«Qazaqstan temir joly» ulttyq kompaniiasy basqarý komandasyn kúsheitý maqsatynda birqatar mańyzdy kadrlyq ózgerister jasalǵanyn habarlady.
«QTJ-Júk tasymaly» JShS Bas direktory (Basqarma tóraǵasy) Asan Úmbetov boldy», – delingen habarlamada.
Bul aýqymdy ózgerister aiasynda tek Úmbetov qana emes, Vladimir Petrov, Sáken Rahmetov, Marat Shákenov, Diiar Núsipqojanov, Aleksandr Shiriaev syndy mamandar da basshylyq qyzmetterge keldi.
Kompaniianyń resmi habarlamasynda bul taǵaiyndaýlar temirjol salasynyń negizgi baǵyttarynda kásibi saraptamany kúsheitý maqsatyn kózdeitini atap ótilgen.
«Basshy laýazymdarǵa taǵaiyndalǵan barlyq mamandar temirjol salasynda kóp jyldyq tájiribege ie jáne ózderin eldiń kólik júiesiniń damýyna eleýli úles qosqan mamandar retinde kórsete bildi. Olardyń salanyń ereksheligin tereń túsinýi, strategiialyq oilaýy jáne nátijege baǵdarlanýy QTJ aldynda turǵan negizgi mindetterdi iske asyrýda mańyzdy faktor bolady», – delingen habarlamada.
Eske sala keteiik, «Qazaqstan temirjoly – júk tasymaly» JShS lokomotiv sharýashylyǵy jónindegi bas direktorynyń orynbasary Asan Úmbetovtiń balaǵat sózder qosyp sóilegen videosy jelide taraǵan bolatyn. Jaǵdai Qaraǵandy oblysynda vagondardyń relsten shyǵyp ketý oqiǵasyn keiin bolǵan. Ol temirjolshylarǵa qatań eskertý jasap, balaǵat sózdermen qatqyl sóilegen. Muny bireýler ádepsizdik dep baǵalasa, basqalar kerisinshe kásibidik, janashyrlyq jáne shynaiylyqqa balaǵan.
