Ishiń qalaisha qan jylamaidy, júregiń syzdamaidy? Quddy bir Ábil men Qabyldyń kebi kelgendei... Keshe Qazaq edi ǵoi, alaiaqtarǵa erdi, salafi (psevdo salafi) boldy, sosyn biraq-aq kúnde terroristke ainalyp shyǵa keldi. Óz qanyn, óz qaǵynan shyqqan qazaǵyn qoly qaltyramastan óltire saldy. Atty, baýyzdady. Óz memleketine qarsy shyqty. Demek, kez-kelgen salafit, kez-kelgen ýaqytta terroristke ainala alady degen tujyrym jasaýǵa ábden bolady.
Sońǵy terroristi óltirdik dep qýanyp jatyrmyz... Shyn máninde, óz baýyrymyzdy óltirdik. Qynadai qyrylǵandardyń bári qyrshyndai jas. Qaidaǵy joq bireýlerdiń azǵyrýyna tústi, ajal qushty. Áýleti bolsa, qara bet bolyp qala berdi... Ulttyq tragediia!
Bizdiń shekemizdiń qyzaryp júrgeni de sol. Ideologiia! Jat ideologiia! Salafizm din emes, saiasi ideologiia! Áitpese, islam ǵana emes, kez-kelgen dinde adamǵa qiianat jasaý týraly bir aýyz sóz taba almaisyz.
Adamzat tarihynda san túrli ideologiia úshin osy ýaqytqa sheiin milliondardyń qany qyp-qyzyl teńiz bolyp aqty. Eń úlken soǵystardyń kóbi ideologiia úshin boldy. Sol úshin aǵa inige qarsy keldi, bala ákeni óltirdi. Salafizm bizdiń qoǵamǵa synalap enip barady. Qazaq qoǵamy ony qabyldaý úshin baiyrǵy salt-dástúrinen bas tartý kerek.
Jo, joq, ol múmkin emes! Sondyqtan biz «ata-babalarymyz kápir bolypty, adasyp kelipti»,-dep ótkenge músirkei, jiirkenishpen qaramaimyz. Ótken tarihymyzǵa, babalarymyzdan qalǵan asyl muraǵa maqtanmen qaraimyz.
Bul ideologiia óte qaýipti. Qanshama eldi ishten iritip, qurdymǵa jóneltti. Bulardyń artynda úlken kúsh bar, úlken qarjy bar. At tóbelindei az ǵana top solardyń qyzyǵyn kórip, missionerlik durysy — Otanǵa satqyndyq jasap keledi. Tutas halyqty sońynan ertip azdyryp, qyrǵynǵa itermelep, qalyń qazaqty bir-birine qarsy qoiyp otyr. Nátijesi mine, Siriiaǵa, Taiaý Shyǵysqa baryp qyrylǵan jastar, óz elimizdi óz baýyrlaryn baýdai túsirip, baýyzdaityn qanypezerler paida boldy. Osy jolda qurban bolǵandardyń báriniń qany at tóbelindei osylardyń moiynynda.
Júrekti aýyrtatyn tragediia da osy. Teris dinniń jeteginde ketken talai jas ata-anasynyń istegen tamaǵyn jemegeni bylai tursyn, olardy uryp-soǵyp, «kápirsiń» dep úiinen aidap shyǵyp jatqanyn da kórip otyrmyz. Ásirese, batys óńirlerde.
Biz jat ideologiiaǵa jol bermeimiz! Qazaqtyń qasietti topyraǵynda saiasilanǵan salafiliktiń dáneginiń ósýine qarsymyz. Óz qundylyǵymyzǵa qarsy shyǵatyn jastar ósirip, solardyń qolymen dástúrimizdiń tamyryna balta shabýǵa ruqsat etpeimiz. Qazaqstanda ómir súrgińiz kelmese, jergilikti bilikke, din basylaryna baǵynǵyńyz kelmese, Ábý-Hanifa mázhabyna moiynsunǵyńyz kelmese, marhabat, arabstanǵa baryńyz. Áitpese, Alty Alashtyń ashýyn ábden tasytyp, shamyna tiip boldyńyzdar. Davai, do svidaniia!
Men beibit elde ómir súrgim keledi. Biz san ǵasyr ańsaǵan Máńgilik eldi qurǵymyz keledi. Ózimniń tereń tarihymmen qýattanyp, saf altyndai salt-dástúrimdi urpaǵyma ónege etkim keledi. Tektiligimdi ólsem de "arabtyqqa" aiyrbastamaimyn!
Dáýletkerei Kápuly
