ٸشٸڭ قالايشا قان جىلامايدى, جٷرەگٸڭ سىزدامايدى? قۇددى بٸر ەبٸل مەن قابىلدىڭ كەبٸ كەلگەندەي... كەشە قازاق ەدٸ عوي, الاياقتارعا ەردٸ, سالافي (پسەۆدو سالافي) بولدى, سوسىن بٸراق-اق كٷندە تەرروريستكە اينالىپ شىعا كەلدٸ. ٶز قانىن, ٶز قاعىنان شىققان قازاعىن قولى قالتىراماستان ٶلتٸرە سالدى. اتتى, باۋىزدادى. ٶز مەملەكەتٸنە قارسى شىقتى. دەمەك, كەز-كەلگەن سالافيت, كەز-كەلگەن ۋاقىتتا تەرروريستكە اينالا الادى دەگەن تۇجىرىم جاساۋعا ەبدەن بولادى.
سوڭعى تەرروريستٸ ٶلتٸردٸك دەپ قۋانىپ جاتىرمىز... شىن مەنٸندە, ٶز باۋىرىمىزدى ٶلتٸردٸك. قىناداي قىرىلعانداردىڭ بەرٸ قىرشىنداي جاس. قايداعى جوق بٸرەۋلەردٸڭ ازعىرۋىنا تٷستٸ, اجال قۇشتى. ەۋلەتٸ بولسا, قارا بەت بولىپ قالا بەردٸ... ۇلتتىق تراگەدييا!
بٸزدٸڭ شەكەمٸزدٸڭ قىزارىپ جٷرگەنٸ دە سول. يدەولوگييا! جات يدەولوگييا! سالافيزم دٸن ەمەس, ساياسي يدەولوگييا! ەيتپەسە, يسلام عانا ەمەس, كەز-كەلگەن دٸندە ادامعا قييانات جاساۋ تۋرالى بٸر اۋىز سٶز تابا المايسىز.
ادامزات تاريحىندا سان تٷرلٸ يدەولوگييا ٷشٸن وسى ۋاقىتقا شەيٸن ميلليونداردىڭ قانى قىپ-قىزىل تەڭٸز بولىپ اقتى. ەڭ ٷلكەن سوعىستاردىڭ كٶبٸ يدەولوگييا ٷشٸن بولدى. سول ٷشٸن اعا ٸنٸگە قارسى كەلدٸ, بالا ەكەنٸ ٶلتٸردٸ. سالافيزم بٸزدٸڭ قوعامعا سىنالاپ ەنٸپ بارادى. قازاق قوعامى ونى قابىلداۋ ٷشٸن بايىرعى سالت-دەستٷرٸنەن باس تارتۋ كەرەك.
جو, جوق, ول مٷمكٸن ەمەس! سوندىقتان بٸز «اتا-بابالارىمىز كەپٸر بولىپتى, اداسىپ كەلٸپتٸ»,-دەپ ٶتكەنگە مٷسٸركەي, جيٸركەنٸشپەن قارامايمىز. ٶتكەن تاريحىمىزعا, بابالارىمىزدان قالعان اسىل مۇراعا ماقتانمەن قارايمىز.
بۇل يدەولوگييا ٶتە قاۋٸپتٸ. قانشاما ەلدٸ ٸشتەن ٸرٸتٸپ, قۇردىمعا جٶنەلتتٸ. بۇلاردىڭ ارتىندا ٷلكەن كٷش بار, ٷلكەن قارجى بار. ات تٶبەلٸندەي از عانا توپ سولاردىڭ قىزىعىن كٶرٸپ, ميسسيونەرلٸك دۇرىسى — وتانعا ساتقىندىق جاساپ كەلەدٸ. تۇتاس حالىقتى سوڭىنان ەرتٸپ ازدىرىپ, قىرعىنعا يتەرمەلەپ, قالىڭ قازاقتى بٸر-بٸرٸنە قارسى قويىپ وتىر. نەتيجەسٸ مٸنە, سيريياعا, تاياۋ شىعىسقا بارىپ قىرىلعان جاستار, ٶز ەلٸمٸزدٸ ٶز باۋىرلارىن باۋداي تٷسٸرٸپ, باۋىزدايتىن قانىپەزەرلەر پايدا بولدى. وسى جولدا قۇربان بولعانداردىڭ بەرٸنٸڭ قانى ات تٶبەلٸندەي وسىلاردىڭ مويىنىندا.
جٷرەكتٸ اۋىرتاتىن تراگەدييا دا وسى. تەرٸس دٸننٸڭ جەتەگٸندە كەتكەن تالاي جاس اتا-اناسىنىڭ ٸستەگەن تاماعىن جەمەگەنٸ بىلاي تۇرسىن, ولاردى ۇرىپ-سوعىپ, «كەپٸرسٸڭ» دەپ ٷيٸنەن ايداپ شىعىپ جاتقانىن دا كٶرٸپ وتىرمىز. ەسٸرەسە, باتىس ٶڭٸرلەردە.
بٸز جات يدەولوگيياعا جول بەرمەيمٸز! قازاقتىڭ قاسيەتتٸ توپىراعىندا ساياسيلانعان سالافيلٸكتٸڭ دەنەگٸنٸڭ ٶسۋٸنە قارسىمىز. ٶز قۇندىلىعىمىزعا قارسى شىعاتىن جاستار ٶسٸرٸپ, سولاردىڭ قولىمەن دەستٷرٸمٸزدٸڭ تامىرىنا بالتا شابۋعا رۇقسات ەتپەيمٸز. قازاقستاندا ٶمٸر سٷرگٸڭٸز كەلمەسە, جەرگٸلٸكتٸ بيلٸككە, دٸن باسىلارىنا باعىنعىڭىز كەلمەسە, ەبۋ-حانيفا مەزھابىنا مويىنسۇنعىڭىز كەلمەسە, مارحابات, ارابستانعا بارىڭىز. ەيتپەسە, التى الاشتىڭ اشۋىن ەبدەن تاسىتىپ, شامىنا تيٸپ بولدىڭىزدار. داۆاي, دو سۆيدانييا!
مەن بەيبٸت ەلدە ٶمٸر سٷرگٸم كەلەدٸ. بٸز سان عاسىر اڭساعان مەڭگٸلٸك ەلدٸ قۇرعىمىز كەلەدٸ. ٶزٸمنٸڭ تەرەڭ تاريحىممەن قۋاتتانىپ, ساف التىنداي سالت-دەستٷرٸمدٸ ۇرپاعىما ٶنەگە ەتكٸم كەلەدٸ. تەكتٸلٸگٸمدٸ ٶلسەم دە "ارابتىققا" ايىرباستامايمىن!
دەۋلەتكەرەي كەپۇلى
