Táttimbet atyndaǵy óner kolledjiniń direktory talantty ánshi Meiirhan Adambekov ómirden ozdy. Qaiǵyly habardy Qaraǵandy oblysy ákiminiń orynbasary Abzal Núken Facebook-tegi paraqshasynda jariialady, dep habarlaidy «Ult aqparat».
«Táttimbet atyndaǵy óner kolledjiniń direktory, Qazaqstan Respýblikasynyń eńbek sińirgen qairatkeri, talantty ánshi Meiirhan Sáidiuly Adambekovtyń 62 jasyna qaraǵan shaǵynda dúnieden ozǵany týraly xabardy estip qabyrǵamyz qaiysyp otyr. Týǵan-týystary men jora-joldastaryna, Arqanyń óner súier jurtyna qaiǵyryp, kóńilimizdi bildiremiz. Imandy bolyńyz, aǵa...», - dep jazdy Abzal Núken.
Meiirhan Sáidiuly 1958 jyly 1 shildede Qaraǵandy oblysynyń Qarqaraly aýdanynda dúniege kelgen. Almaty estrada-tsirk stýdiiasyn, Qazaqstan-Resei ýniversitetin bitirgen. Q. Baijanov atyndaǵy kontsert birlestiginiń ánshisi, Táttimbet atyndaǵy óner kolledjinde halyq ánderi bóliminiń meńgerýshisi bolǵan.
