تەتتٸمبەت اتىنداعى ٶنەر كوللەدجٸنٸڭ ديرەكتورى تالانتتى ەنشٸ مەيٸرحان ادامبەكوۆ ٶمٸردەن وزدى. قايعىلى حاباردى قاراعاندى وبلىسى ەكٸمٸنٸڭ ورىنباسارى ابزال نٷكەن Facebook-تەگٸ پاراقشاسىندا جارييالادى, دەپ حابارلايدى «ۇلت اقپارات».
«تەتتٸمبەت اتىنداعى ٶنەر كوللەدجٸنٸڭ ديرەكتورى, قازاقستان رەسپۋبليكاسىنىڭ ەڭبەك سٸڭٸرگەن قايراتكەرٸ, تالانتتى ەنشٸ مەيٸرحان سەيدٸۇلى ادامبەكوۆتىڭ 62 جاسىنا قاراعان شاعىندا دٷنيەدەن وزعانى تۋرالى xاباردى ەستٸپ قابىرعامىز قايىسىپ وتىر. تۋعان-تۋىستارى مەن جورا-جولداستارىنا, ارقانىڭ ٶنەر سٷيەر جۇرتىنا قايعىرىپ, كٶڭٸلٸمٸزدٸ بٸلدٸرەمٸز. يماندى بولىڭىز, اعا...», - دەپ جازدى ابزال نٷكەن.
مەيٸرحان سەيدٸۇلى 1958 جىلى 1 شٸلدەدە قاراعاندى وبلىسىنىڭ قارقارالى اۋدانىندا دٷنيەگە كەلگەن. الماتى ەسترادا-تسيرك ستۋديياسىن, قازاقستان-رەسەي ۋنيۆەرسيتەتٸن بٸتٸرگەن. ق. بايجانوۆ اتىنداعى كونتسەرت بٸرلەستٸگٸنٸڭ ەنشٸسٸ, تەتتٸمبەت اتىنداعى ٶنەر كوللەدجٸندە حالىق ەندەرٸ بٶلٸمٸنٸڭ مەڭگەرۋشٸسٸ بولعان.
