Tanymal ánshi Dastan Orazbekov ónerdegi aǵasy Meirambek Bespaevtyń shyǵarmashylyǵy men án oryndaý mánerine qatysty pikirin aitty, dep habarlaidy ult.kz.
Ánshi suhbat barysynda Meirambek Bespaevtyń ereksheligi kúrdeli vokaldyq tehnikasynda emes, tyńdarman birden tanityn ózindik daýysynda ekenin atap ótti.
«Meirambek Bespaev – aǵam. Onyń alyp bara jatqan vokaldyq tehnikasy joq. Biraq adamnyń boiynda ánshilik qabilet bolsa, nege ony damytpasqa? Menen de tehnikasy joǵary ánshiler bar. Degenmen kei ánshiniń ózine tán úni bolady. Meirambek aǵanyń qarýy – onyń daýysy. Ol qońyr úndi ánshi», – dedi Dastan Orazbekov.
Bul pikir áleýmettik jelide qyzý talqyǵa tústi. Jeli qoldanýshylarynyń bir bóligi ánshiniń sózimen kelispese, endi biri Meirambek Bespaevtyń basty ereksheligi tabiǵi ári qaitalanbas daýysynda ekenin atap ótti.
