Aqparat jáne qoǵamdyq damý vitse-ministri Ashat Oralov «Daryn» memlekettik jastar syilyǵy osy jyldyń qarasha aiynda tabystalatynyn málim etti, dep habarlaidy "Ult aqparat".
«Ózderińiz biletindei, «Daryn» memlekettik jastar syilyǵy sońǵy 20 jyldan beri berilip keledi. Biylǵy jyly bul syilyqqa ótinim kóktemnen bastap qabyldana bastaǵan edi. Qabyldaý 2020 jyldyń tamyz aiynda aiaqtaldy. Jańa ǵana osy syilyqtyń komissiiasynyń otyrysy bolyp ótti. Úkimet qaýlysymen bekitilgen erejege sáikes «Daryn» syilyǵy 10 nominatsiia boiynsha beriledi», - dedi Ashat Oralov onlain rejimde «Bolashaq» qaýymdastyǵynyń uiymdastyrýymen ótken «Jastar jáne innovatsiialar» forýmynda.
Onyń aitýynsha, «Daryn» memlekettik jastar syilyǵyn tapsyrý saltanaty osy jyldyń qarasha aiynda – Tuńǵysh Prezident kúni men Táýelsizdik kúni qarsańynda ótedi.
Eske sala ketsek, «Daryn» memlekettik jastar syilyǵy 2017 jyldan bastap jyl saiyn berilip keledi. Onyń aldynda bul syilyq 2 jylda bir ret tapsyrylatyn.
