اقپارات جەنە قوعامدىق دامۋ ۆيتسە-مينيسترٸ اسحات ورالوۆ «دارىن» مەملەكەتتٸك جاستار سىيلىعى وسى جىلدىڭ قاراشا ايىندا تابىستالاتىنىن مەلٸم ەتتٸ, دەپ حابارلايدى "ۇلت اقپارات".
«ٶزدەرٸڭٸز بٸلەتٸندەي, «دارىن» مەملەكەتتٸك جاستار سىيلىعى سوڭعى 20 جىلدان بەرٸ بەرٸلٸپ كەلەدٸ. بيىلعى جىلى بۇل سىيلىققا ٶتٸنٸم كٶكتەمنەن باستاپ قابىلدانا باستاعان ەدٸ. قابىلداۋ 2020 جىلدىڭ تامىز ايىندا اياقتالدى. جاڭا عانا وسى سىيلىقتىڭ كوميسسيياسىنىڭ وتىرىسى بولىپ ٶتتٸ. ٷكٸمەت قاۋلىسىمەن بەكٸتٸلگەن ەرەجەگە سەيكەس «دارىن» سىيلىعى 10 نوميناتسييا بويىنشا بەرٸلەدٸ», - دەدٸ اسحات ورالوۆ ونلاين رەجيمدە «بولاشاق» قاۋىمداستىعىنىڭ ۇيىمداستىرۋىمەن ٶتكەن «جاستار جەنە يننوۆاتسييالار» فورۋمىندا.
ونىڭ ايتۋىنشا, «دارىن» مەملەكەتتٸك جاستار سىيلىعىن تاپسىرۋ سالتاناتى وسى جىلدىڭ قاراشا ايىندا – تۇڭعىش پرەزيدەنت كٷنٸ مەن تەۋەلسٸزدٸك كٷنٸ قارساڭىندا ٶتەدٸ.
ەسكە سالا كەتسەك, «دارىن» مەملەكەتتٸك جاستار سىيلىعى 2017 جىلدان باستاپ جىل سايىن بەرٸلٸپ كەلەدٸ. ونىڭ الدىندا بۇل سىيلىق 2 جىلدا بٸر رەت تاپسىرىلاتىن.
