Túrkistan oblysynda jańa biznes-ideialardy júzege asyrýǵa arnalǵan «Ákim granty» jobasy boiynsha qoldaý kóretin azamattardyń sany artpaq. Túrkistan oblysynyń ákimi Darhan Satybaldy joba aiasynda aýyl jastaryn qoldaýǵa baǵyttaýǵa basymdyq berýdi tapsyrdy. Bul maqsatta qosymsha qoldaý tetigin qarastyrýdy júktedi. Oblys basshysyna shaǵyn jáne orta kásipkerlikti qoldaý jáne damytý týraly baiandaldy.
Óńir basshysy sala mamandaryna «Túrkistanda jasalǵan» brendin damytýdy mindettedi. Ońtústiktiń negizgi draiveri – agrarlyq salany odan ári damytyp, eńbek ónimdiligin túbegeili arttyrýǵa jáne óńdelgen ónimniń eksportyn ulǵaitýǵa baǵyttalýy kerek ekenin aitty. Sonymen birge, ulttyq qolónerdi damytýǵa basymdyq berýdi mindettedi.
«Túrkistan óńirinde óte eńbekqor halyq turady. Biz biznesti damytýdyń úlgisin kóresete bilýimiz kerek. Biznes – halyqqa qajetti joba. Tek saýda salasyn ǵana emes, barlyq baǵytty igerip, kósh basynda júrýge jaǵdai jasalý kerek. Jańa bir biznestiń kózin taýyp, ony shiratý qajet. Jappai jandandyryp, otandyq brendti damytý kerek. Ekinshiden, jeńildetilgen nesie usynylyp qana qoimai, odan naqty nátije shyǵatyndai jospar bolǵany jón. Turǵyndardy kásipkerlikke baýlý, otandyq óndiris kólemin arttyrý baǵytynda jumys jandandyrýdy tapsyramyn», – dedi oblys ákimi Darhan Satybaldy.
Basty maqsat – shaǵyn jáne orta biznestiń ekonomikadaǵy úlesin 2025 jylǵa qarai 30% jetkizý. Oblystaǵy kásipkerliktiń sany 26,5 myńǵa artyp, 171 myńnan asty. Jyl basynan beri kásipkerler jeńildetilgen 6%-ben «Biznestiń jol kartasy 2025» jáne «Qarapaiym zattar ekonomikasy» baǵdarlamalary arqyly 28,8 mlrd. teńgege nesielendi. Biyl kásipkerler 17 mlrd. teńge nesie alyp, sonyń 54%-y (iaǵni 9,2 mlrd. teńgesi) «Damý» qory arqyly kepildendirildi.
Túrkistan oblysynda kásipkerlerge 1%-dyq nesie berý boiynsha «Jibek Joly Biznes» baǵdarlamasy daiyndalyp jatyr. Sondai-aq óńirde kásipkerlerge arnalǵan «kishi óndiristik parkterdi» qurý kózdelgen.
