تٷركٸستان وبلىسىندا جاڭا بيزنەس-يدەيالاردى جٷزەگە اسىرۋعا ارنالعان «ەكٸم گرانتى» جوباسى بويىنشا قولداۋ كٶرەتٸن ازاماتتاردىڭ سانى ارتپاق. تٷركٸستان وبلىسىنىڭ ەكٸمٸ دارحان ساتىبالدى جوبا اياسىندا اۋىل جاستارىن قولداۋعا باعىتتاۋعا باسىمدىق بەرۋدٸ تاپسىردى. بۇل ماقساتتا قوسىمشا قولداۋ تەتٸگٸن قاراستىرۋدى جٷكتەدٸ. وبلىس باسشىسىنا شاعىن جەنە ورتا كەسٸپكەرلٸكتٸ قولداۋ جەنە دامىتۋ تۋرالى باياندالدى.
ٶڭٸر باسشىسى سالا ماماندارىنا «تٷركٸستاندا جاسالعان» برەندٸن دامىتۋدى مٸندەتتەدٸ. وڭتٷستٸكتٸڭ نەگٸزگٸ درايۆەرٸ – اگرارلىق سالانى ودان ەرٸ دامىتىپ, ەڭبەك ٶنٸمدٸلٸگٸن تٷبەگەيلٸ ارتتىرۋعا جەنە ٶڭدەلگەن ٶنٸمنٸڭ ەكسپورتىن ۇلعايتۋعا باعىتتالۋى كەرەك ەكەنٸن ايتتى. سونىمەن بٸرگە, ۇلتتىق قولٶنەردٸ دامىتۋعا باسىمدىق بەرۋدٸ مٸندەتتەدٸ.
«تٷركٸستان ٶڭٸرٸندە ٶتە ەڭبەكقور حالىق تۇرادى. بٸز بيزنەستٸ دامىتۋدىڭ ٷلگٸسٸن كٶرەسەتە بٸلۋٸمٸز كەرەك. بيزنەس – حالىققا قاجەتتٸ جوبا. تەك ساۋدا سالاسىن عانا ەمەس, بارلىق باعىتتى يگەرٸپ, كٶش باسىندا جٷرۋگە جاعداي جاسالۋ كەرەك. جاڭا بٸر بيزنەستٸڭ كٶزٸن تاۋىپ, ونى شيراتۋ قاجەت. جاپپاي جانداندىرىپ, وتاندىق برەندتٸ دامىتۋ كەرەك. ەكٸنشٸدەن, جەڭٸلدەتٸلگەن نەسيە ۇسىنىلىپ قانا قويماي, ودان ناقتى نەتيجە شىعاتىنداي جوسپار بولعانى جٶن. تۇرعىنداردى كەسٸپكەرلٸككە باۋلۋ, وتاندىق ٶندٸرٸس كٶلەمٸن ارتتىرۋ باعىتىندا جۇمىس جانداندىرۋدى تاپسىرامىن», – دەدٸ وبلىس ەكٸمٸ دارحان ساتىبالدى.
باستى ماقسات – شاعىن جەنە ورتا بيزنەستٸڭ ەكونوميكاداعى ٷلەسٸن 2025 جىلعا قاراي 30% جەتكٸزۋ. وبلىستاعى كەسٸپكەرلٸكتٸڭ سانى 26,5 مىڭعا ارتىپ, 171 مىڭنان استى. جىل باسىنان بەرٸ كەسٸپكەرلەر جەڭٸلدەتٸلگەن 6%-بەن «بيزنەستٸڭ جول كارتاسى 2025» جەنە «قاراپايىم زاتتار ەكونوميكاسى» باعدارلامالارى ارقىلى 28,8 ملرد. تەڭگەگە نەسيەلەندٸ. بيىل كەسٸپكەرلەر 17 ملرد. تەڭگە نەسيە الىپ, سونىڭ 54%-ى (ياعني 9,2 ملرد. تەڭگەسٸ) «دامۋ» قورى ارقىلى كەپٸلدەندٸرٸلدٸ.
تٷركٸستان وبلىسىندا كەسٸپكەرلەرگە 1%-دىق نەسيە بەرۋ بويىنشا «جٸبەك جولى بيزنەس» باعدارلاماسى دايىندالىپ جاتىر. سونداي-اق ٶڭٸردە كەسٸپكەرلەرگە ارنالعان «كٸشٸ ٶندٸرٸستٸك پاركتەردٸ» قۇرۋ كٶزدەلگەن.
