Áleýmettik meditsinalyq saqtandyrý qory halyqty dárilik zattarmen qamtamasyz etý úshin 100% tólem jasady. Bul týraly «Áleýmettik meditsinalyq saqtandyrý qory» KEAQ Basqarma tóraǵasy Bolat Tókejanov aityp berdi, dep habarlaidy QazAqparat.
«Dári-dármekpen qamtamasyz etýdegi kedergilerdiń aldyn alý úshin Áleýmettik meditsinalyq saqtandyrý qory KEAQ «SQ-Farmatsiia» birlesip jasalǵan kelisimshart somasynyń 100% aldyn ala tóledi. Bul biryńǵai distribiýtorǵa jyl sońyna deiin jetkiziletin preparattar úshin jetkizýshiler men óndirýshi zaýyttarǵa aldyn ala tólem jasaýǵa múmkindik berdi. Dári-dármekpen qamtamasyz etýdi jaqsartý úshin qajetti sharalar qoldanylýda», - dedi spiker Ortalyq kommýnikatsiialar qyzmetinde.
Onyń aitýynsha, Densaýlyq saqtaý ministrligi qosymsha bes dári-dármek túrin engizý máselesin qarastyryp jatyr. Bul dáriler de aldyńǵy qatarda júrgen dárigerlerdiń taǵaiyndaýymen qoljetimdi bolmaq.
«Densaýlyq saqtaý ministrligi buiryqqa ózgerister engizgennen keiin, bizdiń qor óńirlik densaýlyq saqtaý basqarmalarynyń ótinimderi negizinde olardy úzdiksiz satyp alý úshin qarjylandyrýdy qamtamasyz etedi», - deidi qor basshysy.
