Eldegi dárihanalarda halyq ishinde úlken suranysqa ie dári-dármek túrleri qashan ákelinedi? Bul suraqqa OKQ-da ótken baspasóz máslihatynda Densaýlyq saqtaý vitse-ministri Liýdmila Biýrabekova jaýap berdi, – dep habarlaidy QazAqparat.
«Eldegi dárihanalardan keibir preparatty halyq jappai satyp alyp ketti. Negizgisi ystyq túsiretin – paratsetamol. Jalpy bizdiń elde paratsetamoldyń 80 túri baryn atap ótkim keledi. Ol tabletka kúiinde de, sirop men svecha kúiinde de satylyp jatyr», - dedi vitse-ministr.
Onyń aitýynsha, paratsetamol qazirgi ýaqytta eldegi óńirlerdiń bárindegi dárihanalarǵa taratylýda.
«Almatyda qazir de bar. Qaraǵandy oblysyndaǵy, Nur-Sultan qalasyndaǵy dárihanalarda da qoljetimdi. Aldaǵy eki-úsh kúnniń ishinde aimaqtarǵa da jetkiziledi», - dedi Liýdmila Biýrabekova.
Vitse-ministr sonymen birge dárihanalarǵa virýsqa qarsy preparattar da jetpei jatqanyn aityp ótti. Ol preparattar da jaqyn arada óńirlerdiń bárindegi dárihanalarǵa jetkizilmek.
Eske sala ketsek, Liýdmila Biýrabekova buǵan deiin Qazaqstanda koronavirýs infektsiiasyn juqtyrǵan adamdardy emdeý hattamasyna jańa shema engizilgenin málim etken edi. Onyń aitýynsha, qazaqstandyq dárigerler anasynan koronavirýs juqtyryp týǵan 21 sábidi emdep shyǵarǵan.
