ەلدەگٸ دەرٸحانالاردا حالىق ٸشٸندە ٷلكەن سۇرانىسقا يە دەرٸ-دەرمەك تٷرلەرٸ قاشان ەكەلٸنەدٸ? بۇل سۇراققا وكق-دا ٶتكەن باسپاسٶز مەسليحاتىندا دەنساۋلىق ساقتاۋ ۆيتسە-مينيسترٸ ليۋدميلا بيۋرابەكوۆا جاۋاپ بەردٸ, – دەپ حابارلايدى قازاقپارات.
«ەلدەگٸ دەرٸحانالاردان كەيبٸر پرەپاراتتى حالىق جاپپاي ساتىپ الىپ كەتتٸ. نەگٸزگٸسٸ ىستىق تٷسٸرەتٸن – پاراتسەتامول. جالپى بٸزدٸڭ ەلدە پاراتسەتامولدىڭ 80 تٷرٸ بارىن اتاپ ٶتكٸم كەلەدٸ. ول تابلەتكا كٷيٸندە دە, سيروپ مەن سۆەچا كٷيٸندە دە ساتىلىپ جاتىر», - دەدٸ ۆيتسە-مينيستر.
ونىڭ ايتۋىنشا, پاراتسەتامول قازٸرگٸ ۋاقىتتا ەلدەگٸ ٶڭٸرلەردٸڭ بەرٸندەگٸ دەرٸحانالارعا تاراتىلۋدا.
«الماتىدا قازٸر دە بار. قاراعاندى وبلىسىنداعى, نۇر-سۇلتان قالاسىنداعى دەرٸحانالاردا دا قولجەتٸمدٸ. الداعى ەكٸ-ٷش كٷننٸڭ ٸشٸندە ايماقتارعا دا جەتكٸزٸلەدٸ», - دەدٸ ليۋدميلا بيۋرابەكوۆا.
ۆيتسە-مينيستر سونىمەن بٸرگە دەرٸحانالارعا ۆيرۋسقا قارسى پرەپاراتتار دا جەتپەي جاتقانىن ايتىپ ٶتتٸ. ول پرەپاراتتار دا جاقىن ارادا ٶڭٸرلەردٸڭ بەرٸندەگٸ دەرٸحانالارعا جەتكٸزٸلمەك.
ەسكە سالا كەتسەك, ليۋدميلا بيۋرابەكوۆا بۇعان دەيٸن قازاقستاندا كوروناۆيرۋس ينفەكتسيياسىن جۇقتىرعان ادامداردى ەمدەۋ حاتتاماسىنا جاڭا سحەما ەنگٸزٸلگەنٸن مەلٸم ەتكەن ەدٸ. ونىڭ ايتۋىنشا, قازاقستاندىق دەرٸگەرلەر اناسىنان كوروناۆيرۋس جۇقتىرىپ تۋعان 21 سەبيدٸ ەمدەپ شىعارعان.
