Almatyda ótken onlain brifing barysynda QR Farmatsevtikalyq qyzmetti qoldaý jáne damytý qaýymdastyǵynyń prezidenti Marina Dýrmanova qala turǵyndaryn dárilik zattarmen qamtý máselesi týraly aitty, dep habarlaidy QazAqparat.
QR Densaýlyq saqtaý ministrliginiń buiryǵyna sáikes dárihana uiymdarynda qaǵaz retseptilerdiń saqtalý merzimi endi kúntizbelik 30 kún bolatyny aityldy. Osylaisha, retsept boiynsha dári-dármekterdi elektrondy formatta da, qaǵaz túrinde de shyǵarýǵa ruqsat etiledi.
«Endi bizde dárihanalarda dári-dármekterdi internet arqyly, mobildi qosymshalar arqyly jiberýge múmkindik bar. Qaǵaz retseptiler dárihanalarda 30 kún, karantin jariialanǵan jaǵdaida mobildi túri – karantin nemese tótenshe jaǵdai rejiminen keiin taǵy 30 kún saqtalady», — dedi M. Dýrmanova.
Sondai-aq, spikerler retseptide dáriger men patsienttiń aty-jóni kórsetilýi kerek ekenin eske saldy.
«Bas memlekettik sanitar dárigerdiń №36 Qaýlysymen bizde dárihana uiymdarynda qashyqtyq rejimin saqtaý, koronavirýs infektsiiasynyń aldyn alý jáne emdeý úshin qajetti dárilik zattardyń, meditsinalyq maqsattaǵy ónimder men dezinfektsiialyq quraldardyń bolýy, saýda zalynyń esikterin óńdeý jáne jumys kúni boiy saýda zalyn turaqty túrde jeldetý qajettiligi qarastyrylǵanyn, sondai-aq dárilik preparattardy berý (bosatý) kezinde turǵan dárihana uiymdarynyń qyzmetkerleri úshin JQQ qory bolýy qajet ekenin eske salǵym keledi», — dedi Marina Dýrmanova.
