الماتىدا ٶتكەن ونلاين بريفينگ بارىسىندا قر فارماتسەۆتيكالىق قىزمەتتٸ قولداۋ جەنە دامىتۋ قاۋىمداستىعىنىڭ پرەزيدەنتٸ مارينا دۋرمانوۆا قالا تۇرعىندارىن دەرٸلٸك زاتتارمەن قامتۋ مەسەلەسٸ تۋرالى ايتتى, دەپ حابارلايدى قازاقپارات.
قر دەنساۋلىق ساقتاۋ مينيسترلٸگٸنٸڭ بۇيرىعىنا سەيكەس دەرٸحانا ۇيىمدارىندا قاعاز رەتسەپتٸلەردٸڭ ساقتالۋ مەرزٸمٸ ەندٸ كٷنتٸزبەلٸك 30 كٷن بولاتىنى ايتىلدى. وسىلايشا, رەتسەپت بويىنشا دەرٸ-دەرمەكتەردٸ ەلەكتروندى فورماتتا دا, قاعاز تٷرٸندە دە شىعارۋعا رۇقسات ەتٸلەدٸ.
«ەندٸ بٸزدە دەرٸحانالاردا دەرٸ-دەرمەكتەردٸ ينتەرنەت ارقىلى, موبيلدٸ قوسىمشالار ارقىلى جٸبەرۋگە مٷمكٸندٸك بار. قاعاز رەتسەپتٸلەر دەرٸحانالاردا 30 كٷن, كارانتين جارييالانعان جاعدايدا موبيلدٸ تٷرٸ – كارانتين نەمەسە تٶتەنشە جاعداي رەجيمٸنەن كەيٸن تاعى 30 كٷن ساقتالادى», — دەدٸ م. دۋرمانوۆا.
سونداي-اق, سپيكەرلەر رەتسەپتٸدە دەرٸگەر مەن پاتسيەنتتٸڭ اتى-جٶنٸ كٶرسەتٸلۋٸ كەرەك ەكەنٸن ەسكە سالدى.
«باس مەملەكەتتٸك سانيتار دەرٸگەردٸڭ №36 قاۋلىسىمەن بٸزدە دەرٸحانا ۇيىمدارىندا قاشىقتىق رەجيمٸن ساقتاۋ, كوروناۆيرۋس ينفەكتسيياسىنىڭ الدىن الۋ جەنە ەمدەۋ ٷشٸن قاجەتتٸ دەرٸلٸك زاتتاردىڭ, مەديتسينالىق ماقساتتاعى ٶنٸمدەر مەن دەزينفەكتسييالىق قۇرالداردىڭ بولۋى, ساۋدا زالىنىڭ ەسٸكتەرٸن ٶڭدەۋ جەنە جۇمىس كٷنٸ بويى ساۋدا زالىن تۇراقتى تٷردە جەلدەتۋ قاجەتتٸلٸگٸ قاراستىرىلعانىن, سونداي-اق دەرٸلٸك پرەپاراتتاردى بەرۋ (بوساتۋ) كەزٸندە تۇرعان دەرٸحانا ۇيىمدارىنىڭ قىزمەتكەرلەرٸ ٷشٸن جقق قورى بولۋى قاجەت ەكەنٸن ەسكە سالعىم كەلەدٸ», — دەدٸ مارينا دۋرمانوۆا.
