Dárigerlerimiz soǵysta sanitarlar basynan keshirgendei jaǵdaida júr. Mundai pikirdi jazýshy, Qazaqstannyń eńbek sińirgen qairatkeri Maral Ysqaqbai bildirdi, dep habarlaidy QazAqparat .
«Bul tynysh jatqan elge aiaq astynan jaý shapqandai qylǵan, tóteden kelgen indet bolyp tur. Eldiń basyna beinet tóndirip otyr, qiyn jaǵdai. Prezidentimiz, de meshittegi imamdar da jurtshylyqty sabyrǵa shaqyryp jatyr. Sabyr qylǵannan basqa qolymyzdan eshteńe de kelmeidi. Bul indet kezinde meditsinamyzdyń da jaǵdaiy nashar ekendigi kórinip qaldy. Pandemiiamen kúreste múmkindigimiz qandai ekendigin baiqadyq. Qazirgi ýaqytta dárigerlerimiz ekinshi dúnijúzilik soǵystaǵy sanitarlar basynan keshirgendei jaǵdaida, aýyr shepte júr. Naǵyz erlik kórsetip jatqan solar dep oilaimyn», - dedi qoǵam qairatkeri.
Qalamger memleket tarapynan halyqty dári-dármekpen jáne ókpeni jasandy jeldetý apparattarymen qamtamasyz etý jumystaryn shiratý kerektigin basa aitty.
«Buǵan qosa, eldiń basyna túsken qasiretten paida tapqysy kelip, dári-dármek baǵasyn negizsiz kótergen alaiaq alypsatarlardyń da bar ekenin kórip otyrmyz. Qaitemiz endi, Alla aqyryn bersin! Ainalyp kelgende Alladan basqa senerimiz de joq. Aman bolaiyq, el-jurtymyzdy sabyrǵa shaqyraiyq. Saqtyq sharalaryn barynsha saqtaiyq», - dedi Maral Ysqaqbai.
