دەرٸگەرلەرٸمٸز سوعىستا سانيتارلار باسىنان كەشٸرگەندەي جاعدايدا جٷر. مۇنداي پٸكٸردٸ جازۋشى, قازاقستاننىڭ ەڭبەك سٸڭٸرگەن قايراتكەرٸ مارال ىسقاقباي بٸلدٸردٸ, دەپ حابارلايدى قازاقپارات .
«بۇل تىنىش جاتقان ەلگە اياق استىنان جاۋ شاپقانداي قىلعان, تٶتەدەن كەلگەن ٸندەت بولىپ تۇر. ەلدٸڭ باسىنا بەينەت تٶندٸرٸپ وتىر, قيىن جاعداي. پرەزيدەنتٸمٸز, دە مەشٸتتەگٸ يمامدار دا جۇرتشىلىقتى سابىرعا شاقىرىپ جاتىر. سابىر قىلعاننان باسقا قولىمىزدان ەشتەڭە دە كەلمەيدٸ. بۇل ٸندەت كەزٸندە مەديتسينامىزدىڭ دا جاعدايى ناشار ەكەندٸگٸ كٶرٸنٸپ قالدى. پاندەمييامەن كٷرەستە مٷمكٸندٸگٸمٸز قانداي ەكەندٸگٸن بايقادىق. قازٸرگٸ ۋاقىتتا دەرٸگەرلەرٸمٸز ەكٸنشٸ دٷنيجٷزٸلٸك سوعىستاعى سانيتارلار باسىنان كەشٸرگەندەي جاعدايدا, اۋىر شەپتە جٷر. ناعىز ەرلٸك كٶرسەتٸپ جاتقان سولار دەپ ويلايمىن», - دەدٸ قوعام قايراتكەرٸ.
قالامگەر مەملەكەت تاراپىنان حالىقتى دەرٸ-دەرمەكپەن جەنە ٶكپەنٸ جاساندى جەلدەتۋ اپپاراتتارىمەن قامتاماسىز ەتۋ جۇمىستارىن شيراتۋ كەرەكتٸگٸن باسا ايتتى.
«بۇعان قوسا, ەلدٸڭ باسىنا تٷسكەن قاسٸرەتتەن پايدا تاپقىسى كەلٸپ, دەرٸ-دەرمەك باعاسىن نەگٸزسٸز كٶتەرگەن الاياق الىپساتارلاردىڭ دا بار ەكەنٸن كٶرٸپ وتىرمىز. قايتەمٸز ەندٸ, اللا اقىرىن بەرسٸن! اينالىپ كەلگەندە اللادان باسقا سەنەرٸمٸز دە جوق. امان بولايىق, ەل-جۇرتىمىزدى سابىرعا شاقىرايىق. ساقتىق شارالارىن بارىنشا ساقتايىق», - دەدٸ مارال ىسقاقباي.
