Almaty qalasy sanitariialyq-epidemiologiialyq baqylaý departamenti basshysynyń orynbasary Ásel Qalyqova "sapasyz" qorǵanysh quraldaryna qatysty pikir bildirdi, - dep habarlaidy "Ult aqparat".
Ásel Qalyqova Almatynyń bas sanitar dárigeri Jandarbek Bekshin aitqan sózder "qurǵaq sóz jáne negizsiz" ekenin aitady. Ol munyń birneshe sebebin túsindirdi.
"Birinshiden, Qazaqstanda memlekettik satyp alý birneshe jyldan beri elektron portal arqyly júzege asyrylyp keledi, sondyqtan tikelei qoltańbasy men móri bar eshqandai qujat bolýy múmkin emes.
Ekinshiden, jeke qorǵanysh quraldaryna qatysty memlekettik satyp alý qoldanystaǵy zańnama aiasynda ótti. Sonymen qatar, jetkizýshiler jetkizgen taýarlardy qabyldaýǵa men qatysqan joqpyn, ol úshin fýnktsionaldyq mindetterine kiretin laýazymdy tulǵalar anyqtaldy.
Odan bólek, taýardy jetkizý kezinde ónim berýshiler osy saladaǵy monopolist sanalatyn "dárilik zattar men meditsinalyq maqsattaǵy buiymdardy saraptaý ulttyq ortalyǵy" ShJQ RMK bergen sapa sáikestiginiń sertifikattary men tirkeý kýálikterin berdi, bul "QAZEKSPOAÝDIT" JShS nemese ózge de zerthanalardyń meditsinalyq maqsattaǵy buiymdarǵa jatatyn jeke qorǵanysh quralǵa saraptama júrgizýge quqyǵy joq degendi bildiredi", - dedi Qalyqova.
Sondai-aq, Qalyqova memlekettik satyp alýdy jeńip alǵan jetkizýshilermen kelissózderdi Jandarbek Bekshinniń ózi júrgizgenin jáne ózi jeke qorǵanysh quraldary jinaǵynyń birneshe túrinen Almaty qalasynyń sanitariialyq-epidemiologiialyq baqylaý departamentine qoiylǵan jiyntyqty ózi tańdaǵanyn aitty.
"Odan bólek, QR QN sáikes 1.03-05-2011 "Qurylystaǵy eńbekti qorǵaý jáne qaýipsizdik tehnikasy","Jeke qorǵanysh qurylys quraldary" túsinigi qarastyrylmaǵan, tek "arnaiy kiim" túsinigi bar.
Sondai-aq, Jandarbek Bekshin siltep otyrǵan "QAZEKSPOAÝDIT" JShS mamanynyń qorytyndysy Almaty qalasynyń sanitariialyq-epidemiologiialyq baqylaý departamentine qoiylǵan sapasyzdyq dereginiń negizi nemese rastaýy bola almaidy, sebebi bul qorytyndyda meditsinalyq maqsattaǵy buiymdarǵa qatysty jeke qorǵanysh quraly qoldanylmaityn normativtik-quqyqtyq aktiler qoldanylǵan. "QAZEKSPOAÝDIT" JShS shyǵý kózi belgisiz jeke qorǵanysh quralyna qatysty zertteýler júrgizgenine erekshe nazar aýdarǵym keledi, ótinish berýshi Almaty qalasynyń sanitariialyq-epidemiologiialyq baqylaý departamenti satyp alǵan JQQ-nyń eshqandai qatysy joq himiialyq áserlerden tergeý izoliatorlaryna saraptama júrgizýdi suraǵan jeke tulǵa boldy", - dedi Ásel Qalyqova.
Onyń aitýynsha, Bekshin sapasyz jeke qorǵanysh quralyn qoiǵan jetkizýshilerge qatysty sot organdaryna birneshe talap aryz bergen. Ol "zańdy kúshine engen sot sheshimderimen Bekshinniń talaptaryn qanaǵattandyrýdan tolyq bas tartylǵanyn" atap ótti.
Eske salaiyq, buǵan deiin epidemiologtarǵa satyp alynǵan jeti myńǵa jýyq jeke qorǵanysh quraly Almatydaǵy qoimada jatqany habarlanǵan bolatyn.
Monitoring toby 90 mln teńgege satyp alynǵan 7 028 bir rettik jeke qorǵanysh quraly qoimada jatqanyn anyqtaǵan. Bekshinniń sózinshe, bul quraldardyń sapasy nashar.
Sybailas jemqorlyqqa qarsy qyzmet janyndaǵy arnaiy monitoring toby Almatynyń bas sanitar dárigeri Jandarbek Bekshinniń ótinishi boiynsha qoimada bir jylǵa jýyq saqtalǵan jeke qorǵanys quraldaryn tekserdi.
