Nur-Sultan qalasynyń politsiia qyzmetkerleri dárigerlerdiń kedergisiz qozǵalysyn qamtamasyz etý úshin olardyń jeke kóligine arnaiy belgi jabystyryp bermek, - dep habarlaidy qalalyq Politsiia departamenti.
«Qazirgi tańda meditsina qyzmetkerleri koronavirýs infektsiiasymen kúreste aldyńǵy shepte júr. Adamdardyń densaýlyǵy dárigerlerdiń shaqyrylǵan jerge tez kelýine bailanysty. Osyǵan orai Nur-Sultan qalasynyń Politsiia departamenti qala kóshelerinde olardyń qozǵalysyn jeńildetý úshin qyzyl krest túrindegi «Dáriger» belgisin taratady», - dep málim etti qalalyq Politsiia departamentinen.
Júrgizýshilerdi tekserý úshin qalanyń birneshe núktesinde mobildi posttardyń qoiylǵany belgili. Osydan kei jerde kólikter kóp turyp qalady.
«Osyndai jaǵdaida dárigerler óz kóligimen kedergisiz ótýi úshin politsiia qyzmetkerleri osy belgini taratady. QR Jol júrý erejesinde «Taný belgileri» degen norma bar. Oǵan sáikes jedel ári arnaiy qyzmetterdiń avtokólikteri, avtobýstary men mototsikldarynyń ST RK 1863-2018 ulttyq standartyna sáikes belgili bir fýnktsiialyq mindette ekeni aiqyndalady. QR JJE «Taný belgileri» bólimi talaptaryna sáikes dáriger-júrgizýshiniń tilegi boiynsha onyń kóliginiń artyna nemese aldyna kók túspen qorshalǵan aq fondaǵy qyzyl krest belgisi jabystyrylady», - delingen habarlamada.
