نۇر-سۇلتان قالاسىنىڭ پوليتسييا قىزمەتكەرلەرٸ دەرٸگەرلەردٸڭ كەدەرگٸسٸز قوزعالىسىن قامتاماسىز ەتۋ ٷشٸن ولاردىڭ جەكە كٶلٸگٸنە ارنايى بەلگٸ جابىستىرىپ بەرمەك, - دەپ حابارلايدى قالالىق پوليتسييا دەپارتامەنتٸ.
«قازٸرگٸ تاڭدا مەديتسينا قىزمەتكەرلەرٸ كوروناۆيرۋس ينفەكتسيياسىمەن كٷرەستە الدىڭعى شەپتە جٷر. ادامداردىڭ دەنساۋلىعى دەرٸگەرلەردٸڭ شاقىرىلعان جەرگە تەز كەلۋٸنە بايلانىستى. وسىعان وراي نۇر-سۇلتان قالاسىنىڭ پوليتسييا دەپارتامەنتٸ قالا كٶشەلەرٸندە ولاردىڭ قوزعالىسىن جەڭٸلدەتۋ ٷشٸن قىزىل كرەست تٷرٸندەگٸ «دەرٸگەر» بەلگٸسٸن تاراتادى», - دەپ مەلٸم ەتتٸ قالالىق پوليتسييا دەپارتامەنتٸنەن.
جٷرگٸزۋشٸلەردٸ تەكسەرۋ ٷشٸن قالانىڭ بٸرنەشە نٷكتەسٸندە موبيلدٸ پوستتاردىڭ قويىلعانى بەلگٸلٸ. وسىدان كەي جەردە كٶلٸكتەر كٶپ تۇرىپ قالادى.
«وسىنداي جاعدايدا دەرٸگەرلەر ٶز كٶلٸگٸمەن كەدەرگٸسٸز ٶتۋٸ ٷشٸن پوليتسييا قىزمەتكەرلەرٸ وسى بەلگٸنٸ تاراتادى. قر جول جٷرۋ ەرەجەسٸندە «تانۋ بەلگٸلەرٸ» دەگەن نورما بار. وعان سەيكەس جەدەل ەرٸ ارنايى قىزمەتتەردٸڭ اۆتوكٶلٸكتەرٸ, اۆتوبۋستارى مەن موتوتسيكلدارىنىڭ ست رك 1863-2018 ۇلتتىق ستاندارتىنا سەيكەس بەلگٸلٸ بٸر فۋنكتسييالىق مٸندەتتە ەكەنٸ ايقىندالادى. قر ججە «تانۋ بەلگٸلەرٸ» بٶلٸمٸ تالاپتارىنا سەيكەس دەرٸگەر-جٷرگٸزۋشٸنٸڭ تٸلەگٸ بويىنشا ونىڭ كٶلٸگٸنٸڭ ارتىنا نەمەسە الدىنا كٶك تٷسپەن قورشالعان اق فونداعى قىزىل كرەست بەلگٸسٸ جابىستىرىلادى», - دەلٸنگەن حابارلامادا.
