2023 jyly meditsina qyzmetkerleriniń jalaqysy 30 paiyzǵa artady. Bul týraly QR Densaýlyq saqtaý ministri Ajar Ǵiniiat aitty, dep habarlaidy QazAqparat.
«Memleket basshysy jalpy halyqtyń, onyń ishinde meditsina qyzmetkerleriniń ál-aýqatyna kóp kóńil bóledi. Osyǵan bailanysty: 2021 jylǵy 1 qańtardan bastap 247 myń meditsina qyzmetkeriniń jalaqysy ósken bolatyn. 2022 jyly dárigerlerdiń jalaqysy ortasha eseppen 30 paiyzǵa, ol 400 myńnan astam, orta meditsina personalynyń jalaqysy 20 paiyzǵa, ol 200 myń teńgeden astamǵa artty», - dedi ol Ortalyq kommýnikatsiialar qyzmetinde ótken baspasóz máslihatynda.
Sonymen qatar ministr keler jyly da meditsina qyzmetkerleriniń jalaqysyn kóterýge qarajat qarastyrylyp qoiǵanyn aitty.
«2023 jyly dárigerler jalaqysyn ortasha eseppen 30 paiyzǵa, orta meditsina personalynyń jalaqysyn 20 paiyzǵa arttyrý josparlanyp, qazirgi ýaqytta qarajat qarastyryldy», - dedi Ajar Ǵiniiat.
