2023 جىلى مەديتسينا قىزمەتكەرلەرٸنٸڭ جالاقىسى 30 پايىزعا ارتادى. بۇل تۋرالى قر دەنساۋلىق ساقتاۋ مينيسترٸ اجار عينييات ايتتى, دەپ حابارلايدى قازاقپارات.
«مەملەكەت باسشىسى جالپى حالىقتىڭ, ونىڭ ٸشٸندە مەديتسينا قىزمەتكەرلەرٸنٸڭ ەل-اۋقاتىنا كٶپ كٶڭٸل بٶلەدٸ. وسىعان بايلانىستى: 2021 جىلعى 1 قاڭتاردان باستاپ 247 مىڭ مەديتسينا قىزمەتكەرٸنٸڭ جالاقىسى ٶسكەن بولاتىن. 2022 جىلى دەرٸگەرلەردٸڭ جالاقىسى ورتاشا ەسەپپەن 30 پايىزعا, ول 400 مىڭنان استام, ورتا مەديتسينا پەرسونالىنىڭ جالاقىسى 20 پايىزعا, ول 200 مىڭ تەڭگەدەن استامعا ارتتى», - دەدٸ ول ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سونىمەن قاتار مينيستر كەلەر جىلى دا مەديتسينا قىزمەتكەرلەرٸنٸڭ جالاقىسىن كٶتەرۋگە قاراجات قاراستىرىلىپ قويعانىن ايتتى.
«2023 جىلى دەرٸگەرلەر جالاقىسىن ورتاشا ەسەپپەن 30 پايىزعا, ورتا مەديتسينا پەرسونالىنىڭ جالاقىسىن 20 پايىزعا ارتتىرۋ جوسپارلانىپ, قازٸرگٸ ۋاقىتتا قاراجات قاراستىرىلدى», - دەدٸ اجار عينييات.
