QR Densaýlyq saqtaý ministrligi Taýarlar men qyzmetter qaýipsizdiginiń sapasyn baqylaý komiteti tóraǵasynyń orynbasary Nurqan Sádýaqasov Ýhannan jetkizilgennen keiin karantinge jatqyzylǵan stýdentterdiń jaǵdaiyn aityp berdi, dep habarlaidy "Ult aqparat".
"Ýhannan charterlik reispen jetkizilgennen keiin karantinge 83 qazaqstandyq jatqyzyldy. Onyń ishinde 80 stýdent bar. Olardyń barlyǵy Nur-Sultan qalasyndaǵy kópbeiindi aýrýhanaǵa ornalastyryldy. Aýrýhana jańa, joǵary qaýipsizdik júiesimen jabdyqtalǵan. Árbir qabattaǵy palatalardyń derbes jeldetý júiesi bar. Bul óte jaqsy júie, "taza úi-jai" dep atalady. Ol aýanyń aralasýyna jol bermeidi. Aýa palatadan dálizge jáne keri baǵytta shyqpaidy", - dedi Nurqan Sádýaqasov.
Onyń atap ótýinshe, ushaq bortynda dárigerler taǵy bir márte termometriia júrgizip, jolaýshylardyń qyzyýyn ólshegen.
"Ushaq bortyna kóterilgen kezde taǵy bir termometriia júrgizgen edik. Iaǵni, ushaqta olarmen birge sanitarlyq aviatsiianyń dárigerleri men dáriger-epidemiolog boldy. Bir áielde 37,2 dene qyzýy boldy. Biraq, onda qandai da bir syrttai belgileri (koronaviýrs belgileri) anyqtalǵan joq. Olar 2,3 jáne 4 oryndyq palatalarǵa ornalastyryldy, jaǵdailary jáne tamaqtary óte jaqsy. Júkteri óńdelgennen keiin saqtaý qoimasyna tapsyryldy", - dedi ol.
Onyń sózine qaraǵanda, kópbeiindi aýrýhananyń infektsiialyq blogy bir-birinen oqshaýlanǵan.
"Qazaqstannyń barlyq qalalarynyń, negizinen Nur-Sultan, Almaty, Shymkent, Aqtaý, Semeiden, Almaty, Qaraǵandy oblystarynyń balalary. Olar bizdiń talaptarymyzben kelisip otyr. Sebebi ol jaqta da dál osyndai talap bolǵan. Olar infektsiialyq bloktyń oqashaýlandyrylǵan palatalarynda jatyr, dálizge shyqpaidy. Barynsha qaýipsizdik sharalaryn qabyldaýǵa mindettimiz", - dedi Nurqan Sádýaqasov.
Óz kezeginde Nur-Sultan qalalyq kópbeiindi meditsinalyq ortalyǵy infektsiialyq blogy direktorynyń orynbasary Sáýle Atyǵaeva karatinde jatqan adamdardyń jaǵdaiy qandai ekendigin aityp berdi.
"Patsientterdiń jaǵdaiy búgin tańerteń qanaǵattanarlyq boldy. Olardyń tarapynan aitarlyqtai shaǵym joq. Intoksikatsiia belgileri baiqalmaidy, tynys alýlarynda kemshilik joq, dene qyzýlary shekti normada. Meditsinalyq qadaǵalaý inkýbatsiialyq kezeń boiyna jalǵasady. Bul jerde jatqan patsientterdiń basym bóligi koronavirýs infektsiiasynyń taralý joǵary aimaqta bolǵan", - dedi dáriger.
Aýrýhanada jatqan patsientterdiń biri jýrnalistermen áńgimelesýge kelisim berdi. Onyń aitýynsha, patsientterdiń telefondary da ózge zattarmen birge óńdeý úshin alynǵan. Degemen aýrýhananyń statsionarlyq telefony arqyly bailanysýǵa múmkindik bar.
"2016 jyldan Ýhan qalasynda boldym. 22 qańtarda qalada karantin jariialanǵan kezde 100-den astam adam bolǵan edik. Men jáne taǵy eki stýdent evakýatsiialaý boiynsha operatsiiany úilestirýge kómek berdik. Evakýatsiialaý josparyn bir apta boiy daiyndadyq. Sebebi naqty sheshim bolǵan joq. Sońǵy ýaqytqa deiin Qytai ózge elderge áýe keńistigin paidalanýǵa ruqsat bermedi", - dedi Ýhannan kelgen qazaqstandyq stýdent.
Ol aýrýhanada jatqan adamdardyń týǵan-týystaryna alańdamaýdy ótinip, barlyǵynyń jaǵdaiy jaqsy ekendigin aitty.
"Uzaq ýaqyt Qytaida bolǵan balalar óz nómirlerin tirkep úlgermedi jáne Qazaqstanǵa kelgennen keiin olardyń nómiri óship tur. Olardyń ata-analary evakýatsiialaý josparyna sai Qazaqstanǵa kelgenimizdi biledi. Biraq, kim qai palatada ekenin bilmeimiz", - dedi stýdent qyz.
Sóz sońynda ol qoldaý kórsetken otandastaryna rizashylyǵyn bildirdi,.
"Qurmetti Qazaqstan halqy! Biz barlyǵymyz Otanymyzǵa oraldyq jáne dárigerlerdiń turaqty baqylaýyndamyz. Bizde bári jaqsy. shyn nietimin biz úshin alańdaýshylyq tanytqan barlyǵyńyzǵa úlken rahmet", - dedi ol.
