Nur-Sultan qalasynyń ákimi Altai Kólginov COVID-19 juqtyrý jaǵdailarynyń kóbeiýine bailanysty astanalyqtarǵa úndeý jasady, dep habarlaidy "Ult aqparat".
«COVID-19 indetin juqtyrý jaǵdailarynyń kóbeiýine bailanysty qala «sary» aimaqqa ótti. Bul qazirgi kezeńde karantindi jeńildetý qajet emes ekenin bildiredi. 11 qarashada 47 jaǵdai tirkeldi. Shaǵyn jáne orta biznes nysandary kezek-kezekpen jabylmaýy, qala aýmaǵy boiynsha blokpostar ornatylmaýy jáne qalanyń jabylmaýy úshin ár turǵyn jaǵdaidyń qanshalyqty qiyn ekenin túsinýi kerek. Jedel shtab otyrysynda negizgi máseleler qaraldy», - dep jazdy ákim Instagram áleýmettik paraqshasynda.
Ákimniń aitýynsha, eń aldymen politsiia qyzmetkerleri men sanitarlyq dárigerler reidterdi kúsheitýge jáne karantindi buzý faktilerin anyqtaýǵa kóshti. Bul sanitariia erejelerin saqtamai, búkil qalanyń ómirine qaýip tóndiretin nemquraily kásipkerler úshin signal bolýy shart.
«Túnde oiyn-saýyq mekemelerinde júrgen, ereje buzǵan azamattar ásirese egde jastaǵy turǵyndardyń densaýlyǵyna qanshalyqty keri áserin tigizip jatqandaryn áli túsinbei keledi. Ekinshiden, meditsina mekemeleri qosymsha jabdyqtarmen, qorǵanys quraldarymen, dári-dármektermen jáne t.b. jabdyqtalǵan. Materialdyq-tehnikalyq baza daiyn, biraq bir mezette jaǵdai ýshyǵyp ketse, dárigerler barlyq naýqasqa jetpeidi», - dep eskertti A. Kólginov.
Úshinshiden, PTR zertteýimen kóbirek qamtý úshin kópbeiindi qalalyq aýrýhanalardyń qabyldaý bólmelerinde jáne statsionarlardyń akýsherlik bloktarynda izotermiialyq shaǵyn-zerthanalar ashyldy. Bul shuǵyl túrde túsken patsientter arasynda koronavirýs infektsiiasyn tasymaldaýshylaryn anyqtaýǵa jáne ýaqtyly em kórsetýge múmkindik beredi.
Tórtinshi, KVI-ǵa biomaterial alatyn zerthanalar sany 15-ke deiin artty. Zerthanalardyń jalpy qýaty táýligine 10 myńnan astam zertteýge jetedi.
Besinshiden, barlyq qalalyqtarǵa qyzmet kórsetetin avtobýs parkteri, shahardy sanitarlyq tazalaýmen jáne abattandyrýmen ainalysatyn kommýnaldyq kásiporyndar jáne qalanyń tynys-tirshiligin qamtamasyz etetin mańyzdy nysandar (JEO, Astana sý arnasy, Astana-AEK jáne t.b.) erekshe baqylaýǵa alyndy. Qyzmetkerler jii tekserilip otyrady.
«Testileý arqyly qamtýdy keńeite otyryp, biz COVID-19 taralýynyń naqty kórinisin baǵamdaimyz jáne oshaqtardy tez arada oqshaýlai alamyz. Shetelden indet juqtyryp, elge oralǵandar sany artyp keledi. Múmkindiginshe saparlar sanyn qysqartýǵa, jappai is-sharalardy ótkizbeýge jáne qatyspaýǵa, sanitariia normalaryn qatań saqtaýǵa keńes beremiz», - deidi Altai Kólginov.
