Joǵary sanatty dáriger-pýlmonolog Sattar Eraliev qazaqstandyqtardy koronavirýs infektsiiasyna qarsy vaktsinatsiiaǵa belsendi qatysýǵa shaqyrdy, dep habarlaidy QazAqparat.
Pýlmonologtyń aitýynsha, vaktsinatsiia – koronavirýs ifektsiiasyn jeńýdiń jalǵyz joly.
«Vaktsinatsiia - kóptegen infektsiialyq aýrýlardy jeńdi. Bul ǵylymi dáleldengen dúnie. Qazir KVI-ge qarsy dári joq. Tipti, bolmaýy da múmkin. Bul álimdik meditsina tarihynda bar dúnie. Mysaly, sheshek aýrýyna dári tabylǵan joq. Osy aýrýǵa bailanysty kezinde qanshama pandemiialar boldy. Jer sharynda myńdaǵan adam kóz jumdy. Sheshekti tek vaktsinatsiialaý arkyly jeńdik. Sondyqtan, vaktsinatsiia – koronavirýs ifektsiiasyn jeńýdiń jalǵyz joly. Negizi, aýrýmen adamnyń aǵzasy kúresedi. Biz berip jatqan dári-dármekter aýrýǵa tótep berý úshin adam aǵzasynyń qorǵanysyna sep bolady. Mysaly, ottegi jetpei jatsa, ottegin beremiz, qan qoiýlansa, sony suiyltatyn dári beremiz. Iaǵni, simptomatiialyq em júrgizemiz. Jalpy, biz zaqymdanǵan aǵzanyń qyzmetin qalpyna keltirýge tyrysamyz», - dedi ol.
Sonymen qatar, ol Qazaqstanda jappai vaktsinatsiia bastalǵan kezde adamdardy belsendi túrde qatysýǵa shaqyrdy.
«Koronavirýspen aýyrǵan naýqastar vaktsina saldyrý kerek, óitkeni aýrýdan keiin immýnitet 3 aidan 6 aiǵa deiin qalyptasady. Osy ýaqyt aralyǵynda olar taǵy da juqtyryp alýy múmkin. Men turǵyndardy vaktsinatsiiaǵa belsendi qatysýǵa shaqyramyn. Qazir kóptegen elder vaktsinaǵa qarsylyq tanytýda. Desek te, vaktsinatsiia qarqyndy júrip jatqan elder de bar», - dedi dáriger.
Sóz sońynda dáriger halyq barlyq sanitarlyq qaýipsizdik sharalaryn saqtaý kerektigin atap ótti.
«Eń aldymen úlken kisilerge erekshe nazar aýdarý kerek. Biz egde jastaǵylardy úide otyrýǵa shaqyramyz, alaida olarǵa otbasy músheleri syrttan koronavirýsty alyp kelýi múmkin. Sondyqtan, jastar barlyq sanitarlyq talapty qatań saqtaýy tiis. Bul áleýmettik qashyqtyqty saqtaý, maska kiiý, qolyńyzdy jýý. Respiratorlyq infektsiianyń belgileri bolǵan kezde úide shyqpaǵan abzal. Sebebi siz ózińizdi ǵana emes, ózgelerdi de qorǵaisyz. Eger optimistik turǵydan qarasaq, meniń oiymsha, 2021 jyldyń sońyna deiin pandemiia máselesi sheshiledi. Bul árine tiimdi vaktsinalardyń jasalýymen bailanysty», - dep túiindedi ol.
