Senat depýtaty, Qazaqstan Prezidentiniń úlken qyzy Dariǵa Nazarbaevanyń aitýynsha, syrqattanyp qalǵan Elbasynyń densaýlyǵy qazir jaqsardy, dep habarlaidy "Ult aqparat" Baq.kz portalyna silteme jasap.
«Elbasynyń densaýlyǵy qazir aitarlyqtai jaqsardy», - dedi búgin Senat otyrysynan keiin Dariǵa Nazarbaeva jýrnalisterdiń suraǵyna jaýap bere otyryp.
Eske sala keteiik, birer kún buryn Aqordanyń baspasóz qyzmeti Memleket basshysy salqyn tiip syrqattanyp qalýyna bailanysty emdelip jatqanyn habarlaǵan bolatyn.
Keiin baspasóz hatshysy Aidos Úkibai osyǵan bailanysty Prezidenttiń jumys kestesine birqatar ózgerister engizilgenin jetkizdi.
«Osy aptanyń sońyna deiin Memleket basshysynyń halyqaralyq sharalarǵa qatysýy josparlanyp otyrǵan joq. Erevandaǵy UQShU otyrysyna Qazaqstan Respýblikasynyń Premer-Ministri qatysady. Prezidenttiń jumysy odan ári ádettegi kestege sai jalǵasatyn bolady», - dedi A.Úkibai.
.jpeg)