Senat depýtaty Dariǵa Nazarbaeva Qazaqstanda turǵyn úilerdiń baǵasyn tómendetýdi usyndy, - dep habarlaidy Tengrinews.kz tilshisi. Bul týraly ol turǵyn úi qurylysy taqyrybyna arnalǵan dóńgelek ústel barysynda aitty.
"Turǵyn úidiń sharshy metriniń ózindik baǵasyn arzandatýǵa baǵyttalǵan qandai da bir jol kartasyn oilastyrý týraly usynys aitamyn", - dedi senator.
"Aýmaǵymyz óte úlken ekenin, túrli klimattyq jaǵdailar bar ekenin jáne taǵy basqa sebepterdiń bar ekenin túsinemin. Sondyqtan ártaraptandyrylǵan turǵydan qaraý kerek", - dedi Dariǵa Nazarbaeva.
Sondai-aq, senator jaldamaly turǵyn úi qurylysy úshin jekemenshik biznesti jandandyrýdyń mańyzdy ekenin aityp ótti.
"Bul da óte jaqsy biznes bolýy múmkin. Developerlik biznes dep atalady. Rasynda damyǵan elderde jaldamaly turǵyn úi qurylysy jaqsy damyp jatyr. Solardyń tájiribesi men mehanizmin zertteýdiń paidasy bolar edi", - dedi Dariǵa Nazarbaeva.
