Qazaqstannyń Tuńǵysh Prezidenti Nursultan Nazarbaevtyń úlken qyzy Dariǵa Nazarbaeva Forbes Kazakhstan jariialaǵan 2026 jylǵy eń bai qazaqstandyqtar reitinginde 20-orynǵa ornalasty. Basylym onyń dáýletin 550 million dollarǵa baǵalaǵan, dep habarlaidy ult.kz.
Forbes dereginshe, bul byltyrǵy kórsetkishten tómen. 2025 jyly Dariǵa Nazarbaeva 571 million dollar kapitalymen reitingtiń 17-satysynda turǵan edi. Basylym onyń bailyǵynyń azaiý sebebin naqty túsindirmegen.
Dariǵa Nazarbaeva uly Nuraly Álievpen birge "Evropa pliýs Qazaqstan" radiohabar taratýshysyna ielik etedi. Osy kompaniia arqyly onyń NTK telearnasy men "Radiositi" teleradiokompaniiasynda úlesi bar. Sonymen qatar Forbes málimetinshe, ol DLS Group holdingi arqyly "Narýjnaia Reklama-Regiony" jáne "Telefabrika "Dala" kompaniialarynda úleske ie.
Al onyń sińlisi Dinara Qulybaeva biylǵy reitingte úshinshi orynǵa kóterilgen. Onyń bailyǵy 5,4 milliard dollar dep baǵalandy. Byltyr ol 5,3 milliard dollarmen tórtinshi orynda bolǵan.
Dinara Qulybaeva jubaiy Timýr Qulybaevpen birge "Almeks" holdingi arqyly Halyk Bank aktsiialarynyń 61,99 paiyzyna baqylaý jasaidy.
