Dári-dármek tapshylyǵyn jasaǵandarǵa shara qoldaný kerek. Bul týraly Úkimettiń keńeitilgen otyrysynda Memleket basshysy Qasym-Jomart Toqaev aitty, dep habarlaidy "Ult aqparat".
«Zańǵa sáikes, azamattardyń jekelegen sanattaryna tegin berilýi tiis medikamentter men zattardyń joq bolýy faktisine nazar aýdarý mańyzdy. Meditsinalyq mekemeler olardyń joq ekenin jii aitady jáne adamdar, onyń ishinde az qamtylǵan toptar ony óz qarajatyna satyp alýǵa májbúr bolady. Al sheneýikterdiń esebine sáikes, esh problema joq, bári satyp alynǵan jáne 100 paiyz iegerilip jatyr», - dedi Memleket basshysy.
Osy rette QR Prezidenti elimizdiń Bas prokýratýrasyna atalǵan másele boiynsha ishinara tekserý júrgizý tapsyrylǵanyn atap ótti.
«Onyń nátijesinde kináli adamdarǵa qatysty shara qoldaný kerek. Buǵan qosa, jazamen ǵana problemany sheshý múmkin emes. Tsifrlandyrýdy engizý óte mańyzdy. Ár azamat ózine ne tiesili ekenin bilýi, dári-dármekke tapsyrys berip, ony alǵandyǵyn onlain naqtylaýy mańyzdy. Bul - óte mańyzdy másele. Úkimetke bul tapsyrmaǵa barynsha jiti nazar aýdarýdy ótinemin. Bul memlekettik qyzmet ortalyqtandyrylǵan jáne proaktivti bolýy qajet», - dedi Qasym-Jomart Toqaev.
