Almatyda dári baǵasyn negizsiz qymbattatqan dárihana uiymdaryna 28,4 mln teńge aiyppul salyndy, dep habarlaidy QazAqparat.
Almatyda ótken onlain brifing barysynda qalalyq taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Murat Muhamediiarovtiń aitýynsha, qalada shildeniń ortasynan qyrkúiektiń sońyna deiin dárihana uiymdarynda tekserý júrgizilgen.
«Departament qyzmetkerleri dári baǵasyn kótergenderge jalpy quny 28,4 mln teńge bolatyn 156 aiyppul salǵan. QR ÁqbK 424 baby boiynsha ruqsat qujatynsyz farmatsevtikalyq qyzmetpen ainalysqan sýbektilerge jalpy somasy 305580 teńge bolatyn 14 aiyppul salyndy. Quqyqbuzýshylyqty qaitalaǵan kásipkerler boiynsha arnaiy mamandandyrylǵan sotqa 8 material jiberildi. 4 material zańsyz kásipkerlikpen ainalysqan sýbektilerge qatysty jiberildi. Taǵy 2 material boiynsha tirkelmegen dárilik zattar satqan kásipkerlerdiń isi qaralyp jatyr», - dedi ol.
Murat Muhamediarovtiń aitýynsha, sońǵy aida tek bir ǵana kásipker dári baǵasyn negizsiz kótergen.
