الماتىدا دەرٸ باعاسىن نەگٸزسٸز قىمباتتاتقان دەرٸحانا ۇيىمدارىنا 28,4 ملن تەڭگە ايىپپۇل سالىندى, دەپ حابارلايدى قازاقپارات.
الماتىدا ٶتكەن ونلاين بريفينگ بارىسىندا قالالىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسشىسىنىڭ ورىنباسارى مۇرات مۇحامەديياروۆتٸڭ ايتۋىنشا, قالادا شٸلدەنٸڭ ورتاسىنان قىركٷيەكتٸڭ سوڭىنا دەيٸن دەرٸحانا ۇيىمدارىندا تەكسەرۋ جٷرگٸزٸلگەن.
«دەپارتامەنت قىزمەتكەرلەرٸ دەرٸ باعاسىن كٶتەرگەندەرگە جالپى قۇنى 28,4 ملن تەڭگە بولاتىن 156 ايىپپۇل سالعان. قر ەقبك 424 بابى بويىنشا رۇقسات قۇجاتىنسىز فارماتسەۆتيكالىق قىزمەتپەن اينالىسقان سۋبەكتٸلەرگە جالپى سوماسى 305580 تەڭگە بولاتىن 14 ايىپپۇل سالىندى. قۇقىقبۇزۋشىلىقتى قايتالاعان كەسٸپكەرلەر بويىنشا ارنايى مامانداندىرىلعان سوتقا 8 ماتەريال جٸبەرٸلدٸ. 4 ماتەريال زاڭسىز كەسٸپكەرلٸكپەن اينالىسقان سۋبەكتٸلەرگە قاتىستى جٸبەرٸلدٸ. تاعى 2 ماتەريال بويىنشا تٸركەلمەگەن دەرٸلٸك زاتتار ساتقان كەسٸپكەرلەردٸڭ ٸسٸ قارالىپ جاتىر», - دەدٸ ول.
مۇرات مۇحامەدياروۆتٸڭ ايتۋىنشا, سوڭعى ايدا تەك بٸر عانا كەسٸپكەر دەرٸ باعاسىن نەگٸزسٸز كٶتەرگەن.
