Jartylai orta salmaq dárejesindegi qazaqstandyq boksshy Daniiar Eleýsinov (10-0, 6 KO) kásipqoi mansabyndaǵy úzdik jekpe-jegi týraly aitty, dep habarlaidy "Ult aqparat" Sports.kz portalyna silteme jasap.
«Úzdik jekpe-jegim retinde sońǵy aiqasty (Djýliýs Indongoǵa qarsy – red.) esepteimin. Ol titýldyq 4 jekpe-jekke qatysqan álemniń eki dúrkin eks-chempiony. Jasyna qaramastan óte tájiribeli jáne qaýipti boksshy», - dedi Eleýsinov Qazsport telearnasyna bergen suhbatynda.
Eske sala ketsek, Daniiar Eleýsinov 2020 jyldyń qarashasynda álemniń eks-chempiony, namibiialyq Djýliýs Indongony (23-3, 12 KO) nokaýtqa jiberip, IBF Inter-Continental vakantty belbeýin jeńip aldy.
