Qazaqstandyq kásipqoi boksshy Daniiar Eleýsinov (6-0, 3 KO) kásibi bokstaǵy kelesi aiqasyn 25 mamyrda AQSh-ta ýkrainalyq álem chempiony Aleksandr Ýsik (16-12 KO) pen frantsýz boksshysy Karlos Takamanyń (36-5-1, 28 KO) boks keshinde ótkizýi kerek bolatyn. Alaida, Sports.kz saitynda jariialanǵandai, Rio Olimpiadasy chempionynyń komandasy aiqasty keiinge shegerý týraly sheshim qabyldaǵan.
Bul týraly qazaqstandyq boksshynyń menedjeri Ziia Áliev aitty.
«Daniiardyń jekpe-jeginiń ótetin kúnin 25 mamyrdan 8 maýsymǵa - Gennadii Golovkinniń keshine aýystyrýdy jón kórdik. Aiqas 10 raýndtan turady, al onyń qarsylasyn jaqynda jariialaimyz», - dedi derekkóz.
Eske salaiyq, 8 maýsymda orta salmaqtaǵy burynǵy álem chempiony Gennadii Golovkin (38-1-1, 34 KO) Niý-Iorkte jeńilip kórmegen kanadalyq Stiv Rollspen (19-0, 10 KO) kezdesedi.
