قازاقستاندىق كەسٸپقوي بوكسشى دانييار ەلەۋسٸنوۆ (6-0, 3 كو) كەسٸبي بوكستاعى كەلەسٸ ايقاسىن 25 مامىردا اقش-تا ۋكراينالىق ەلەم چەمپيونى الەكساندر ۋسيك (16-12 كو) پەن فرانتسۋز بوكسشىسى كارلوس تاكامانىڭ (36-5-1, 28 كو) بوكس كەشٸندە ٶتكٸزۋٸ كەرەك بولاتىن. الايدا, Sports.kz سايتىندا جارييالانعانداي, ريو وليمپياداسى چەمپيونىنىڭ كومانداسى ايقاستى كەيٸنگە شەگەرۋ تۋرالى شەشٸم قابىلداعان.
بۇل تۋرالى قازاقستاندىق بوكسشىنىڭ مەنەدجەرٸ زييا ەليەۆ ايتتى.
«دانيياردىڭ جەكپە-جەگٸنٸڭ ٶتەتٸن كٷنٸن 25 مامىردان 8 ماۋسىمعا - گەنناديي گولوۆكيننٸڭ كەشٸنە اۋىستىرۋدى جٶن كٶردٸك. ايقاس 10 راۋندتان تۇرادى, ال ونىڭ قارسىلاسىن جاقىندا جارييالايمىز», - دەدٸ دەرەككٶز.
ەسكە سالايىق, 8 ماۋسىمدا ورتا سالماقتاعى بۇرىنعى ەلەم چەمپيونى گەنناديي گولوۆكين (38-1-1, 34 كو) نيۋ-يوركتە جەڭٸلٸپ كٶرمەگەن كانادالىق ستيۆ روللسپەن (19-0, 10 كو) كەزدەسەدٸ.
