QR Ulttyq bankiniń basshysy Daniiar Aqyshev «Rossiia 24» arnasynda QR Ulttyq qoryndaǵy 22 mlrd teńgeniń buǵattalýyna qatysty pikir bildirdi, dep habarlaidy "Ult aqparat" QazAqparat agenttigine silteme jasap.
Onyń aitýynsha, mundai keleńsizdik buryn Reseide de bolǵan.
«Biz de sol jaǵdai tap bolyp otyrmyz. Sondyqtan bul jerde Qazaqstanǵa qatysty "júieli áreket" dep qarastyrmaý kerek. Bizdiń oiymyzsha, buǵattaý týraly sheshim alaiaqtyq jolmen jasalǵan. Sol sebepti biz sot protsesin qozǵap jatyrmyz», - dedi bas bankir.
Onyń aitýynsha, qazir bul protsespen QR Ádilet ministrligi ainalysyp jatyr. Al QR Ulttyq banki bul protseske basty keńesshi retinde qatysady-mys.
«Biz sotqa 500 mln dollarǵa aryzdanyp jatyrmyz. Al buǵattalǵan soma - 22 mlrd dollar. Ekeýiniń aiyrmasy óte úlken. Sondyqtan, sot oryndaýshylarynyń áreketin alaiaqtyq jolmen bolǵan sheshimnen bastaý alǵanyn dáleldeýge tyrysamyz», - dedi ol.
Daniiar Aqyshev odan ary qandai da bolmasyn túsinikteme berýden bas tartty. Bul másele teńge baǵamyna qalai áser etetinin de túsindirip ótti. Ulttyq bank basshysynyń habarlaýynsha, bul Qazaqstannyń aqsha-nesie saiasatyna esh yqpal etpeidi.
«QR Ulttyq bankiniń altyn valiýta qory saqtaýly. Al Ulttyq qor qarjysyna qatysty Ádilet ministrligimen birige zertteý júrgizip jatyrmyz», - dedi Aqyshev.
