Shyǵys Qazaqstan oblysynyń ákimi Danial Ahmetov toqsanynshy jyldary aýdandyq mártebeden aiyrylǵan eldi mekenderdiń ahýaly jaily baian etti, dep habarlaidy "Ult aqparat".
«Marqakól men basqa aýdandardy qaita qurý máselesi týraly aityp bereiin. Maǵan ondai ótinishpen azamattar keldi. 45 adammen kezdesip, jaqsy suraqtar qoiyldy. Olardan: «Aityńdarshy, qaisylaryńyz Kúrshim men Marqakólde turasyzdar?», - dep suradym. Sóitsem, 45 adamnyń bireýi ǵana sol jaqtan kelgen eken. Bári de 20 jyldan beri Óskemen men Semeide turatyn bolyp shyqty. Biraq, óte durys másele kóterilip, arnaiy komissiia quryldy. Qazir bes aýdanda jumys júrgizip jatyrmyz. Olar: Úrjar, Tarbaǵatai, Zaisan, Katonqarai jáne Kúrshim aýdandary. Sol aýdandardy arnaiy baǵdarlamamen qamtyp, qosymsha qarjy bólemiz», - dedi Danial Ahmetov búgin Ortalyq kommýnikatsiialar qyzmetinde ótken baspasóz máslihatynda.
Aimaq basshysy óńirde «jańadan birde-bir aýdan ashylmaitynyn» málimdedi.
«Nege deseńiz, ol aýdandardy ashyp alsaq, jumys oryndaryn quryp, halyqty tartý úshin 9 mlrd teńge kerek bolady. Halyqqa jańa sheneýnikter kerek pe? Onyń ornyna sol aldyma kelgen adamdarmen kelistim. Olar da maquldady. Bizge arnaiy baǵdarlama kerek. Sony iske asyramyz», - dedi ShQO ákimi.
