شىعىس قازاقستان وبلىسىنىڭ ەكٸمٸ دانيال احمەتوۆ توقسانىنشى جىلدارى اۋداندىق مەرتەبەدەن ايىرىلعان ەلدٸ مەكەندەردٸڭ احۋالى جايلى بايان ەتتٸ, دەپ حابارلايدى "ۇلت اقپارات".
«مارقاكٶل مەن باسقا اۋدانداردى قايتا قۇرۋ مەسەلەسٸ تۋرالى ايتىپ بەرەيٸن. ماعان ونداي ٶتٸنٸشپەن ازاماتتار كەلدٸ. 45 اداممەن كەزدەسٸپ, جاقسى سۇراقتار قويىلدى. ولاردان: «ايتىڭدارشى, قايسىلارىڭىز كٷرشٸم مەن مارقاكٶلدە تۇراسىزدار?», - دەپ سۇرادىم. سٶيتسەم, 45 ادامنىڭ بٸرەۋٸ عانا سول جاقتان كەلگەن ەكەن. بەرٸ دە 20 جىلدان بەرٸ ٶسكەمەن مەن سەمەيدە تۇراتىن بولىپ شىقتى. بٸراق, ٶتە دۇرىس مەسەلە كٶتەرٸلٸپ, ارنايى كوميسسييا قۇرىلدى. قازٸر بەس اۋداندا جۇمىس جٷرگٸزٸپ جاتىرمىز. ولار: ٷرجار, تارباعاتاي, زايسان, كاتونقاراي جەنە كٷرشٸم اۋداندارى. سول اۋدانداردى ارنايى باعدارلامامەن قامتىپ, قوسىمشا قارجى بٶلەمٸز», - دەدٸ دانيال احمەتوۆ بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ايماق باسشىسى ٶڭٸردە «جاڭادان بٸردە-بٸر اۋدان اشىلمايتىنىن» مەلٸمدەدٸ.
«نەگە دەسەڭٸز, ول اۋدانداردى اشىپ الساق, جۇمىس ورىندارىن قۇرىپ, حالىقتى تارتۋ ٷشٸن 9 ملرد تەڭگە كەرەك بولادى. حالىققا جاڭا شەنەۋنٸكتەر كەرەك پە? ونىڭ ورنىنا سول الدىما كەلگەن ادامدارمەن كەلٸستٸم. ولار دا ماقۇلدادى. بٸزگە ارنايى باعدارلاما كەرەك. سونى ٸسكە اسىرامىز», - دەدٸ شقو ەكٸمٸ.
